Велорий Викторович Пак

Уикипедия — ашық энциклопедиясынан алынған мәлімет
Jump to navigation Jump to search

Велорий Викторович Пак (26 мамыр, 1951 жыл, Қызылорда қаласы) - ауыр атлет, жаттықтырушы. Корей.

Әкесі - Пак Виктор Михайлович, марқұм. Анасы - Тен Лилия Петровна, зейнеткер.

Қазақ мемлекеттік дене шынықтыру институтының спорт факультетін бітірген (1973), ауыр атлетика бойынша жаттықтырушы-оқытушы.

Қорқыт ата атындағы Қызылорда мемлекеттік университетінің құрметті профессоры (2005 жылдан).

Еңбек жолы[өңдеу]

  • 1973 жылдың шілде айынан - Қызылорда қаласының 113-МКТУ дене тәрбиесі жөніндегі жетекшісі.
  • 1974 жылдың қараша айынан - «Еңбек резервтері» БЕСҚ Қызылорда облыстық кеңесі төрағасының орынбасары.
  • 1984 жылдан - Қызылорда облыстық БЖСМ оқу бөлімінің меңгерушісі.
  • 1987 жылдан - Қызылорда облыстық ауыр атлетикадан аға жаттықтырушы.
  • 2001 жылдан - ҚР жасөспірімдер құрама командасының ауыр атлетикадан аға жаттықтырушысы.
  • 2005 жылдың қаңтар айынан бері - ҚР ауыр атлетика бойынша аға жаттықтырушысы.

Жетістіктері[өңдеу]

  • «Құрмет» (2005)
  • «Парасат» (2008) ордендерімен марапатталған.
  • Ауыр атлетикадан Қаз КСР бірнеше мәрте чемпионы және рекордшысы.
  • Ауыр атлетикадан КСРО спорт шебері (1971).
  • КСРО дене шынықтыру жәнө спорт саласының озаты (1983).
  • Қызылорда облысы Сырдария ауданының құрметті азаматы (2005)
  • Қызылорда қаласының құрметті азаматы (2008).
  • ҚР Еңбек сіңірген жаттықтырушысы (1996).
  • ҚР Құрметті спорт қайраткері (2005).

Шәкірттері[өңдеу]

  • Ауыр атлетикадан XXIX Олимпиада ойындарының чемпионы (Пекин, 2008) И. Ильинді;
  • әлем чемпионаттарының жүлдегері (2005, 2006, 2007) Р. Русеновскийді;
  • Әлем чемпионатының қола жүлдегері (2006) К. Рахановты;
  • Азия чемпионы (2008) А. Өтешевті;
  • Жасөспірімдер арасындағы әлем чемпионы, Орталық Азия ойындарының чемпионы әрі рекордшысы Шин Олегті;
  • ТМД Спартакиадасының қола жүлдегері Радаев Сергейді және басқаларды тәрбиелеген.

Отбасы[өңдеу]

  • Үйленген. Жұбайы - Ким Татьяна Сергеевна (1949 жылы туған), зейнеткер.
  • Ұлы - Пак Александр (1974 жылы туған), дәрігер;
  • қызы - Пак Марина (1978 жылы туған), экономист.[1]

Дереккөздер[өңдеу]

  1. Қазақстан Республикасында Кімнің Кім екені – 2011. 2 томдық анықтамалықаласы Алматы, 2011. ISBN 978-601-278-473-2