Венесуэла радио, телевизиясы

Уикипедия — ашық энциклопедиясынан алынған мәлімет
Jump to navigation Jump to search

Венесуэла радио, телевизиясыВенесуэлада радиохабар 1930 жылы ұйымдастырыла бастады. Елде испан тілінде хабар жүргізетін 108 радиостанция бар (1970).Олардың ең бастылары: Радио Насьональ (мемлекеттік). Радио Каракас, Радио руьбос және Радио континенте. [1]

Жеке программалар ағылшын, француз, неміс, итальян, португал, галисий тілдерінде жүргізіледі. Алғашқы телеорталық 1952 жылы құрылды.1970 жылы Венесуэлада 6 телеорталық болды. Венесуэланың ұлттық радиосы (Radio Nacional de Venezuela) негізгі мемлекеттік радиохабар тарату қызметі. Оның негізі 1946 жылы қаланды. Ұлттық теледидар (Televisora Nacional). Мемлекеттік қызмет атқарады. Мұнымен қатар көптеген коммерциялық теледидар қызметі бар.

Венесуэлада алғашқы телекөрсетілім 2006 жылы қарашаның 11 күні болған. Бұл көрсетілім Альянс Globovision және Сур арнасы көмегімен жүзеге асқан. Венесуэладағы көптеген бағдарламалар мен түрлі шоуларды Globovision арнасынан көруге болады, алайда Radio Caracas Television (RCTV) және Meridiano Television телеарналары да олардан қалыспауға тырысады.

Венесуэла телевизиясын үш бағытқа бөлуге болады: Venevision сияқты Ұлттық хабар таратушы арналар; Televisora Regional del Tachira секілді жергілікті хабар тарату желілері; Catia TV сияқты бұқаралық хабар тарату желілері. Аталмыш елдің телеарналары президентті насихаттауға және түрлі қайырымдылық қорлары мен акцияларын жарнамалауға баса назар аударады.

Дереккөздер[өңдеу]

  1. Қазақ телевизиясы. Энциклопедия. — Алматы: "ҚазАқпарат", 2009, 1-т. — 640 б. ISBN 978-601-03-0070-5