Вениамин Борисович Кошуков

Уикипедия — ашық энциклопедиясынан алынған мәлімет
Jump to navigation Jump to search

Вениамин Борисович Кошуков (11.9.1922, Ресей, Түмен облысы, Ильинка ауылы - 19.7.1944, Латвия, Шяуляй қаласының маңы, Галена ауылы) - 2-дүниежүзілік соғысқа қатысушы, аға лейтенант, звено командирі.

1928 жылы Қазақстанға қоныс аударған. Петропавл тамақ өнеркәсібі техникумын бітіріп, 1940 жылы Семей қаласының әскери комиссариаты арқылы Кеңес әскері қатарына шақырылды. Ол 14-авиация дивизиясы құрамында Сталинградта, Қара теңіз бен Балтық жағалауында болған ұрыстарға қатысты. Сталинград түбіндегі қан төгіс ұрыстарда ептілік пен тапқырлыққа үйренді. Кейін 1943 жылы Кубань мен Таманда, Новороссийск мен Темрюкте, Керчь пен Қырымда болған әуе айқастары кезінде өзін ерекше көрсете білді. 1943 жылы Кошуков 120 рет жауынгерлік ұшу сапарында бірнеше жүз жау әскерін, жүк тиелген 87 автокөлікті, 10 танкіні, 18 дала және зенит зеңбірегін, 5 қойманы жойып жіберді. Көрсеткен ерлігі үшін Кошуковқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (13.4.1944).

1944 жылы әскери тапсырманы орындау кезінде қаза тапты. Латвия Республикасындағы Галена ауылы шетінде Кошуковқа ескерткіш орнатылды.[1]

Дереккөздер[өңдеу]

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х