Вискозиметр

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Вискозиметр (лат. viscosus — тұтқыр) — тұтқырлықты өлшеуге арналған аспап. Вискозиметр капиллярлық, шарикті, ротациялық, ультрадыбыстық болып бөлінеді.

Капиллярлық вискозиметр белгілі мөлшердегі сұйықтықтың тар түтікшe арқылы өту уақытын анықтайды. Шарикті вискозиметр түтік ішіндегі зерттелетін сұйықтықта шарик батқанда екі белгі арасында өту уақытымен анықтайды. Ротациялық вискозиметр біліктес орналасқан екі дене арасындағы саңылауға зерттелетін сұйықтық құйып, денелердің бірін айналдырып, оның бұрыштық жылдамдығын немесе айналдыру моментін өлшейді. Ультрадыбыс вискозиметр зерттелетін сұйықтың ішіне салынған магнитстрикциялық материал тербелісінің өшу жылдамдығын өлшейді.[1]

Дереккөздер[өңдеу]

  1. Полиграфия, өлшеу техникасы, ағаш өңдеу жабдыктары және металл өңдеу техникасы мен технологиясы: Қазақша-орысша терминдердің түсіндірме сөздігі.