Владимир Иванович Мыза

Уикипедия — ашық энциклопедиясынан алынған мәлімет
Jump to navigation Jump to search

Владимир Иванович Мыза(1915, Өскемен қаласы - 6.2.1944, Украина, Днепропетровск облысыНикополь ауданыНовоивановка ауылы) - 2-дүниежүзілік соғысқа қатысушы, гвардия капитаны, рота, кейіннен батальон командирі. Ол Омбы көркемсурет техникумының 3-курсын бітіріп, Кемерово қаласының (Ресей) коксхимия зауытында суретші болып жұмыс істеді. Кеңес әскері қатарына 1937 жылы шақырылып, өз борышын өтеді. 1941 жылы Кемерово жаяу эскерлер училищесін бітірді. 1942 жылдың маусым айында 185-гвардиялық атқыштар полкі құрамында (З-Украина майданы 6-армия 60-гвардиялық атқыштар дивизиясы) ұрыстарға катысты. 1943 жылғы қарашаның 25- інен 26-сына қараған түні 185-атқыштар полкінің Мыза басқарған батальоны Днепр өзенінен өтіп, траншеядан жауды қуып шықты да, Разумовка ауылы маңындағы (Запорожье облысы,Запорожье ауданы) плацдармға бекініс құрды. Одан кейінгі үш күн ішінде батальон 14 шақырым алға жылжыды. Осы уақыт ішінде Мызаның батальоны жаудың 13 қарсы шабуылын тойтарып, оларга ауыр соққы берді. 1944 жылдың 5 ақпанында Новоивановка ауылы (Никополь ауданы) маңындағы шайқаста Мыза жау снарядынан ауыр жарақаттанып, каза тапты. Мызаға ерлігі мен батылдығы үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (22.2.1944). Өскемен қаласында Мыза оқыған мектепте мемориалдық тақта орнатылған.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х