Владимир Николаевич Околович

Уикипедия — ашық энциклопедиясынан алынған мәлімет
Jump to navigation Jump to search

Владимир Николаевич Околович (1.1.1933 жылы туған, Ресей, Владивосток қаласы) – физика-математика ғылымдарының докторы (1978), профессор (1982), Қазақстан Ғылым Академиясының академигі (1989).

Оқу жолы[өңдеу]

Томск политехникалық институтын бітірген (1956).

Жұмыс жолы[өңдеу]

Қазақстан Ғылым Академиясының Ядролық физика институтында аға лаборант (1956–1957), кіші ғылыми қызметкер (1957–1960), аспирант (1960–1963), аға ғылыми қызметкер (1964–1966), институт директорының орынбасары (1966–1986), Қазақстан Ғылым Академиясы физика-математикалық ғылымдары бөлімшесінде академия-хатшының міндетін атқарушы, академик-хатшы, бас ғылым хатшы (1984–1986), Қазақстан Ғылым Академиясының вице-президенті (1989–1996) әрі Қазақстан Ғылым Академиясының Ядролық физика институтында лаборатория меңгерушісі болды. 1997 жылдан Минск қаласында (Беларусь) тұрады.

Ғылыми еңбектер[өңдеу]

  • 1977 жылы «Исследование процесса деления доактинидных ядер в реакциях (заряженными частицами)» деген тақырыпта докторлық диссертация қорғады.
  • Негізгі ғылыми еңбектері ауыр ядроның бөлінуі мен құрылымы физикасына және оның қасиеттерін зерттеуге арналған.
  • 250-ден астам ғылыми жарияланымның авторы.[1]

Дереккөздер[өңдеу]

  1. "Қазақ энциклопедиясы"