Владимир Степанович Лихотворик

Уикипедия — ашық энциклопедиясынан алынған мәлімет
Jump to navigation Jump to search

Владимир Степанович Лихотворик (6.3.1906, Украина, Житомир облысы, Житомир ауданы, Зализня селосы - 22.12.1998, Ирпень) - 2-дүниежүзілік соғысқа қатысушы, полковник, полк командирі, украин.

1928 жылы Алтай өлкесінің Бийск ауданы әскери комиссариаты арқылы Кеңес армиясына шақырылды. Ол Қиыр Шығыс және Қазақ шекара округтерінің шекаралық әскерлер қатарында қызмет етті. Қазақстаннан майданға аттанды. 1942 жылы қыста Холм қаласы үшін ұрыста капитан Лихотворик көше ұрыстарына қатысты. Кеңес әскері жау бекініске айналдырған үйді ала алмай жатты. Лихотворик шабуыл жасаушылардың бір тобын өзі басқарып, немістер отырған үйге басып кіріп, граната лақтырып, көздерін жойды. Осы жеңісті пайдалана отырып, батальон одан әрі шабуыл жасап, алдына қойылған міндетті орындап шықты. 1944 жылы полковник Лихотворик басқарған атқыштар полкі поляк жерін азат етуде Висла өзенінен бірінші болып өтіп, жау бекінісіне шабуыл жасады. Бірақ артиллеристері оқ атып, соның қолдауымен олар шабуылға шықты. Кеңес жауынгерлеріне 40-қа жуық танкілерін жіберді. Артиллеристер мен жаяу әскерлер жаудың 30-дан аса танкісін қиратты. Ұрыс майдандарында көрсеткен ерлігі мен тапқырлығы және полкті қиын-қыстау кезде шебер баскарғаны үшін Лихотворикке КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (7.2.1945).

Соғыстан кейін запасқа шығып, Киев облысының Ирпень қаласында тұрды.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х