Вынхуа

«ВЫНХУА» – дүнгендердің облыстық ұлттық-мәдени орталығы. 1994 ж. құрылған. Президенті – Рашид Бакиров.

Орталықтың басты міндеті – ұлттық салт-дәстүрлерді, тілді дамыту, дүнген халқы өкілдерін қоғамдық өмірді жандандыра түсуге кеңірек тарту. Орталықтың ұйымдастырумен 1998 ж. Қордай ауданы ның Масанчи а-нда дүнгендердің Қазақстанға қоныс аударуына 120 жыл толуы аталып өтілді. Бұл іс-шараға ТМД елдерінен, Жапониядан, Қытайдан шақырылған қонақтар қатысты. Орт. Жамбыл ауданының Жалпақтөбе а-нда дүнген халқы тарихының мұражайын, дүнгендер өнері мектебін ашу жолында жұмыстар жүргізілуде. Орталықтың атсалысуымен Қордай ауданының Сортөбе а-ндағы Лермонтов атынд. орта мектепте дүнген тілін тереңдетіп оқытатын әдістемелік орт. ашылды. «В». ұлттық-мәдени орт. облыс көлемінде өткізіліп жатқан қоғамдық-мәдени іс-шараларға белсене қатысуда.