Гамазидтер
Гамазидтер - Parasitiformes отрядына жататын кенелер тобы. Денесі домалақ, сопақша, немесе ұзынша келген ( 0,3 - 0,4 мм). Аяқтары алты буынды, ауызы шаншуға, соғуға бейімді. Трахея арқылы тыныс алады. Жұмыртқалайтын да, тірі туатын да түрі бар. Тірі туған 6 аяқты дернәсіл түлеп, 8 аяқты бірінші, екінші сатыдағы нимфаға, содан ересек кенеге айналады. Гамазидтердің көпшілігі топырақ арасында, жерге түскен жапырақ арасында, көңде кездеседі.Ұсақ буын-ақтылар, нематод құрттарымен қоректенеді. Кейбір түрлері бауырмен жорғалаушыға, кұстарға, сүт қоректілерге жабысып, олардың қанын сорып, паразиттік тіршілік етеді. Адамды шағатын түрі де бар. Тек Қазақстанда паразиттердің 100-ге жуық түрлері бар. Гамазидттер инфекциялық ауру коздырғыштарын тасымалдайды (сүзек, чума, спирохитоз, туляремия, бурцелиоз). Тауық кенесі тауық тері ауруына шалдықтырады. Түрлі тышқандарда болатын гамазидтер де қауіпті.
Дереккөздер[өңдеу | қайнарын өңдеу]
Алматы-кітап, 1997ж., 3-том.