Говард Селзам
Селзам Говард[өңдеу | қайнарын өңдеу]
Биографиясы[өңдеу | қайнарын өңдеу]
Селзам Говард (28. 6. 1903 ж. т., Харисберг, Пенсильвания)- американ философ- марксисі. Философия ғылымдарының докторы (1930); 1963 ж. АҚШ-тың басқа прогресшіл қайраткерлерімен бірге Американың маркстік зерттеу институтын ұйымдастырады. Қазір Селзам Говард- маркстік (Science and Society) журналы редколлегия мүшелерінің бірі Селзам- марксизм- ленинизмді насихаттай отырып, бейбітшілік пен социализм идеяларын қорғап, реакцияшыл идеологияны сынайды. Селзамның «Философия дегеніміз не? Маркстік кіріспе» деген еңбегі АҚШ-та бірінші рет басылып, көптеген шетел тілдеріне аударылды. Бұл еңбегінде диалект, және тарихи матерализмнің негіздері баяндалды. Тарихты материалистік категория тұрғысынан қарағанда бостандық, мәселесіне ерекше көңіл аударды. «Марксизм және Мораль», «Этика және прогресс» атты еңбектерінде мораль, этика мәселелеріне маркстік талдау жасап, буржуазиялық, эмпирикалық социологияның ғылыми жағынан дәрменсіздігін, қазіргі кездегі прагматизмнің реакцияшыл сипатын ашып береді. [1]
Дереккөздер[өңдеу | қайнарын өңдеу]
- ↑ Қазақ Совет Энциклопедиясы. Алматы қаласы,1977 ж. 10-том, Самал Жел-Тегене. 111-бет