Гомеомерия

ГОМЕОМЕРИЯ (гр. homoiomereia - ұқсас бөлшектер немесе ұқсас бөлшектері бар нәрсе) - Анаксагор философиясының термині, алайда ол бізге дейін сақталған фрагменттерде жоқ және оны бізге Анаксагордың ең кейінгі түсініктемешілері жеткізген. Анаксагор барлық мәнді нәрселерді сапасы алуан түрлі бөлшектердің шексіз көп мөлшеріне бөлінген деп санады, бұл ретте оның ұғымынша, әрбір бөлшек те өзінің шексіз көп бөлшектеріне бөлінді. Анаксагор бойынша, Гомеомерия дегеніміз өз бойында неғұрлым ұсақ бөлшектері шексіз көп болатын сапасы жағынан біртекті және бірегей бөлшек. Оның өзу сияқты немесе өзара ұқсас бөлшектері бар деп аталатыны сондықтан. Қазіргі математикалық тілімен айтқанда, Гомеомерия дегеніміз өзінің кез келен бөлігі жөнінен шексіздік болып табылатын, бірақ осындай әрбір бөлігі өзінің үздіксіз қалыптасуы себепті шексіз бөліне беретін шексіздік.