Гүлжапырақ

Уикипедия — ашық энциклопедиясынан алынған мәлімет
Jump to navigation Jump to search

Гүлжапырақ (Marsіlea) – гүлжапырақтар тұқымдасына жататын су қырыққұлақтарының туысы. Негізінен тропиктік, субтропиктік және қоңыржай белдеулерде өсетін 60-қа жуық түрі белгілі. Қазақстанда тоғандарда, батпақты аймақтарда, су басқан және құрғап қалған жерлерде өсетін 3 түрі (египет Гүлжапырағы, қылтанды Гүлжапырақ, төртжапырақты Гүлжапырақ) бар. Бұлар төсемелі тамырлары бар аласа өсімдіктер. Жапырақтары жіңішке, ұзын сағақты, төрт тең бөлікке бөлінген. Споракарпийлері (қырыққұлақтың спора түзетін шар тәрізді сыйымды орны) сопақша келген, жапырақ сағақтарынан аяқтары жетіледі. Тамызқыркүйекте гүлдейді. Гүлжапырақтың споракарпийлері] крахмалға бай, сондықтан тропикте оны тағам ретінде пайдаланады.

Дереккөздер[өңдеу]

Қазақ энциклопедиясы