Гүлмира Болатқызы Раисова

Гүлмира Болатқызы Раисова

Гүлмира Болатқызы Раисова (24.10.1971 жыл, Алматы қаласы) - кәсіпкер. Қазақ.

Әкесі - Раисов Болат Рамазанұлы, «Кең Дала К2» ЖШС бас директорының орынбасары. Анасы - Раисова Шайзат Қуанышбайқызы, зейнеткер, дәрігер-невропатолог болып жұмыс істеген.

Әл-Фараби атындағы Қазақ мемлекеттік университетінің философия және психология факультетін (1994) «Психология» мамандығы бойынша; әл-Фараби атындағы Қазақ мемлекеттік университетінің аспирантурасын (1998); Т. Рысқұлов атындағы Қазақ экономикалық университетінің философия және саясаттану факультетін (2006) экономист мамандығы бойынша бітірген.

Балалар және жас ерекшелігі психологиясы, адами ресурстарды басқару мәселелері бойынша 8 жарияланымның авторы.

1994 жылдан - әл-Фараби атындағы Қазақ мемлекеттік университетінің психология кафедрасының аға оқытушысы. 1998 жылдың қаңтар айынан - «Астана-Холдинг корпорациясы» ЖШС қызметкерлер жөніндегі басқармасының бастығы. 1998 жылдың қараша айынан 2001 жылға дейін - «ҚР-дағы ортақ мемлекеттік қызметтің дамуына көмек көрсету» TASIS бағдарламасының шектерінде оқыту стратегиясы жөніндегі сарапшы. 2003 жылдан - «ҚазМұнайГаз» ҰК» АҚ «Қызметкерлерді дамытудың ортақ орталығы» ЖМ қызметкерлерді бағалау және дамыту секторының бас менеджері, 2004 жылдан - персоналды басқару департаменті директорының орынбасары, 2006 жылдан - ЖМ директорының орынбасары. 2007 жылдан - «Самұрық-Қазына» мемлекеттік активтерді басқару холдингі» АҚ адами ресурстарды басқару департаментінің бас менеджері. 2008 жылдан - «Самұрық-Қазына» мемлекеттік активтерді басқару холдингі» АҚ адами ресурстарды басқару департаменті директорының орынбасары, директоры. 2009 жылдан бері - «Самұрық-Қазына» корпоративтік университеті» ЖМ директоры, «Мемлекеттік қызметтің персоналын басқару ұлттық орталығы» АҚ тәуелсіз директоры - Директорлар кеңесінің мүшесі.

ҚР НК-менеджерлер ассоциациясы үйлестіру кеңесінің төрайымы.

Тұрмыс құрған. Жұбайы - Айбек Кеңесұлы Жүсіп, «НұрМедиа» АҚ вице-президенті. Қызы -Жүсіп Аружан Айбекқызы ұлы - Жүсіп Аслан Айбекұлы.