Гүлсүмаппақ Гиястинова

Гүлсүмаппақ Гиястинова (1.1.1939 жылы, Алматы облысы, Ұйғыр ауданы, Қолжат ауылы) — тележурналист. . 1962 жылы Ташкент қаласындағы Орталық Азия университетін бітірген.

Еңбек жолы

Халықаралық "Коммунизм туги" ұйғыр газетінің шақыруымен Алматыға келеді. Еңбек жолын Қазақ КСР Министірлік Кеңесі жанындағы телевидение және радиохабарларын тарату жөніндегі комитетініі ұйғыр тіліндегі хабар тарататын редакциясында бастады.

1963 жылдан бастап дикторлықты қоғамдық негізде катар жүргізді. Ұйғыр тілінде хабар тарату Бірінші "Шалқар" және "УКВ" бағдарламалары бойынша жүзеге асырылды. Гүлсүмаппақ Гиястинова редактор, аға редактор, шолушы ретінде белгілі адамдардың портреттерін, концерттік бағдарламалар, радиоинспенировкалар менен радио қойылымдарды дайындап эфирге шығарды.

1986 жылы Қазақ телевизиясының "Алатау" бағдарламасының ұйғыр редакциясына жетекші маман ретінде ауыстырылды.

"Ахбарат" және "Телетайп лентасынан", "Саадат" әйелдер телеклубы, "Біз және уақыт", "Адам тағдырлары" т.б. хабарлар дайындады. Бұл хабарлардың барлығы да телекөрермен арасында танымал болды. Сондай-ақ материалдары мерзімді баспасөздерде жиі жарияланып тұрды. "Бесжылдық қадамдары", "Тірі іздер", "Адам және еңбек", "Парызға адалдық", "Шындық өшпейді" сияқты көптеген жинақтарға өз үлесін қосты. Оның материалдары "Парваз" қоғамдық-саяси журналында жарияланып тұрды. "Сехи кәлбләр" (Мырза колдар, 1988), "Истимәс көңұл" (Сені күтемін, 1994), "Қаритам һекайилиири" (Қаратам әңгімелері, 1997), "Бар бол, ана" (Аналар алдында бас ию, 1998) деп алатын жекелеген кітаптары шыққан.

Марапаттары

Өзбекстан ЛКСМ Орталық комитетінің (1957), Өзбек КСР Жоғары Кеңесі Президиумының (1959), Қазақ КСР Министірлік Кеңес мемлекеттік комитетінің Құрмет грамоталарымен марапатталды (1959). Еңбек ардагері, "Коммунизм тугей" газеті конкурсының жеңімпазы, Қазақстан Журналистер одағы сыйлығының лауреаты.