Гүлтәжілер тұқымдасы

Уикипедия — ашық энциклопедиясынан алынған мәлімет
Jump to navigation Jump to search

Гүлтәжілер тұқымдасы (Аmaranthaceae) – қосжарнақты, бір немесе көп жылдық шөптесін өсімдіктер. Екі жарты шардың тропиктік және субтропиктік аймақтарында кездесетін 65 туысы, 900-ден астам түрі белгілі. Бұлардың сабақтары жалаң, кейбір түрінде сыртын түк жапқан. Жапырақтары тұтас, бөбешік жапырақшалары болмайды, сабаққа қарама-қарсы немесе кезектесіп орналасады. Гүлдері ұсақ, дара не қос жынысты, цимозды гүлшоғырына (гүлі өсімдік ұшынан төмен қарай ашылатын гүлшоғыры) топталған. Маусымқыркүйек айларында гүлдеп, жемістенеді. Жемісі – қорапша. Гүлтәжілер тұқымдасына жататын өсімдіктерді сәндік үшін өсіреді, араларында арамшөптер кездеседі. Кейбір түрінің жапырақтарын тағам ретінде пайдаланады.

[1]

Дереккөздер[өңдеу]

  1. Қазақ энциклопедиясы