Дала фаунасы

Уикипедия — ашық энциклопедиясынан алынған мәлімет
Jump to navigation Jump to search

Дала фаунасы – далалық аймақта тіршілік ететін жануарлар. Дала фаунасына орманды-далалы жерлерде және шөл-шөлейтті аймақтарда тіршілік ететін жануарлар жатады. Олардың құрамы алуан түрлі, Қазақстанда кездесетін омыртқалы жануарлардың (балықтарды қоспағанда) 730 түрінің 67-сі (9,2%-ы) Дала фаунасыболып есептеледі. Қосмекенділердің (жасыл құрбақа, тарбақа), бауырымен жорғалаушылардың (секіргіш кесіртке, дала сұржыланы, Шығыс айдаһаршасы, т.б.) және құстардың (ала торғай, дала бөктергісі, дала құладыны, тарғақ, т.б.) 27 түрі; сүтқоректілердің (құлақты кірпі, дала суыры, дала алақоржыны) 34 түрі Дала фаунасына жатады. Сүтқоректілердің 20-ға жуық түрінің (бөкен, ор қоян, т.б.) кәсіптік маңызы бар, олар бағалы терісі мен дәмді еті үшін ауланады. Ауыл шаруашылығына зиянды кеміргіштердің 10-нан аса түрі (сарышұнақ, қаптесер, соқыр тышқан, т.б.) бар. Дала және орманды дала аймақтарында дәнді дақылдар егісіне астық қандалалары, астық биттері, астық қоңыздары, бүргелер, сүлікше қоңыздар, т.б. зиян келтіреді. Әр түрлі жұқпалы аурулар (оба, туляремия, т.б.) қоздырғыштарын тарататын кемірушілер мен жыртқыштар да бар. Дала фаунасының алтауы: дала қыраны, ақбас тырна, безгелдек, дуадақ, сұр тырна, тарғақ Қазақстанның «Қызыл кітабына» енгізілген.

[1]

Дереккөздер[өңдеу]

  1. Қазақ энциклопедиясы