Даму банкілері

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Даму банкілері - мемлекеттік немесе аралас тұрпаттағы мамандандырылған ұлттық немесе көп ұлттық инвестициялық несие-қаржы институттары. Ұзақ мерзімді міндеттерді: жалпы ұлттық немесе аймақтық құрылымдық өзгертулер бағдарламаларын қаржыландыру; Орталық және Шығыс Еуропа елдерінде нарықтық экономиканы қалыптастыруға бағытталған түбегейлі экономикалық және саяси өзгертулер; ұлттық экономика шеңберінде жекелеген аймақтардың дамуын теңестіру, жаңа технологияларды әзірлеп, іске асыруға жәрдемдесу, жаңа жұмыс орындарын құру, әлеуметтік және экономикалық бағдарламалар шеңберінде несиелендіру; жекелеген елдерге немесе белгілі бір аймақтағы елдерге несие беру, техникалық көмек көрсету, үкіметтік және бейүкіметтік агенттердің қызметкерлерін экономикалық даму жөнінде оқытуға жәрдемдесу жолымен қаржылай көмек көрсету; инвестициялық жобаларды сараптауға, жобаға қатысушы жекелеген коммерциялық банкілердің қызметін үйлестіруге, қарызгерлердің несиеге қабілеттілігін бағалауға қатысу міндеттерін шешу үшін құрылады. Мысалы, Еуропа жаңғыру және даму банкі, Жапон даму банкі, Халықаралық жаңғыру және даму банкі (Дүниежүзілік банк), Ресей даму банкі, Қазақстан даму банкі, т. б.[1]

Дереккөздер[өңдеу]

  1. Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2