Даниил Михайлович Синицын

Уикипедия — ашық энциклопедиясынан алынған мәлімет
Jump to navigation Jump to search

Даниил Михайлович Синицын(25.12.1925, Ресей, Калуга облысы, Перемышль ауданы, Ермашовка деревнясы- 5.9.1975, Шығыс Қазақстан облысы,Семей қаласы) - 2-дүниежүзілік соғысқа қатысушы, майор, батальон командирі, орыс.

Соғысқа дейін Семей қаласы тұрғын үй басқармасының бастығы қызметін атқарған. Кеңес әскері қатарына 1942 жылдың сәуірінде шақырылып, 1943 жылы Тамбов әскери-саяси училищесін бітірген. 1-Беларусь майданы 47-армия 143-атқыштар дивизиясы 487-атқыштар полкі құрамында Ұлы Отан соғысына қатысқан. Синицынның батальоны 1945 жылы 14 қаңтарда жау бекінісін бұзып өтіп, дивизияның Висла өзенінен өтуіне әрі өзеннің сол жағалауындағы плацдармды басып алуына жағдай туғызды. 1945 жылы 15 қаңтарда Олыпевница елді мекенін (Польша, Легьоново қаласының Солтүстік-батысы) алуда ерекше ерлік көрсетті. Висла өзенінен өтуде және Варшава каласын азат етуде батальонды шебер басқарғаны үшін Синицынға КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (27.2.1945). 1953 жылы запасқа шығып, Семей қаласында тұрды.

Ленин, Александр Невский, 2 рет «Қызыл Жұлдыз» ордендерімен, медальдармен марапатталған.[1]

Дереккөздер[өңдеу]

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х