Дарья Донцова

Дарья Донцова
Агриппина Аркадьевна Донцова
Лақап аты	Дарья Донцова
Туған күні
Азаматтығы	КСРО,  Ресей
Мансабы	прозаик, журналист, шет ел тілдерінің мұғалімі, сценарист
Шығармашылық жылдары	1999 — қаз. уақыт
Бағыты	ирониялы детектив
Жанры	детектив
Шығармалардың тілі	орысша
http://www.dontsova.ru/

Дарья Донцова (шын есімі Агриппина Аркадьевна Донцова: 7 маусым, 1952 жылы, Мәскеу) – орыс жазушысы, тележүргізуші әрі ироникалық детективтердің авторы, Ресей жазушылары Одағының мүшесі.

Өмірбаяны

Генеалогия

Агриппина 1952 жылы 7 маусымда Мәскеу қаласында дүниеге келді. Әкесі - жазушы Аркадий Николаевич Васильев (16 наурыз 1907 — тамыз 1972), анасы - Тамара Степановна Новацкая (14 сәуір 1917 — 11 наурыз 2008). Агриппинаның атасы, Николай Васильев, тігін фабрикасында жұмыс жасады. Агриппина дүниеге келгенге дейін атасы мен әжесі қайтыс болады. Қызы туған кезде ата – анасы заңды некеге тұрмаған, ал әкесі құжаттар бойынша «Правда» газетінің журналисті Фаина Борисовнаға үйленген. Және одан бұрын әкесі Галина Николаевнаға үйленгендіктен, Агриппинаның өзінен 20 жас үлкен әпкесі бар. Оның есімі – Изольда. Агриппинаның нағашы атасы Стефан Новацкий коммунист болған. Әжесі Афанасия Шабанова Кисловодск деген жерден, беделді отбасыдан шыққан. Олар үйленіп, 1916 жылы Мәскеуге көшіп кетеді. 1937 жылы Тухачевскийдің ісі бойынша түрмеге отырады да, лагерлердің біреуінде о дүниеге аттанады. Алайда, түрмеге отыратынын сезіп, әйелімен ажырасып кетеді.

Балалық шағы

Стефан бас бостандығынан айырылғаннан кейін Афанасия Тамарамен бірге Скаковая көшесіне орналасып, Агриппина алғашқы жылдарын осы жерде өткізді. 1954 жылы ол әжесімен бірге Кирова көшесіндегі коммуналды пәтердегі бөлмеге көшіп келген болатын. Бөлменің ауданы кішкентай болғандықтан, Агриппинаның ата-анасы бірге тұра алмады. Тек 1957 жылы ғана ата-анасымен қайта құштасып, Аэропорт станциясына жақын жерде орналасақан жаңа тұрғызылған үйлерге көшіп келеді. Агриппинаны кішкентай жастан бастап музыка мен әдебиетке үйрете бастайды. Алғаш оны музыка мектебіне береді, кейіннен театр, опера, балет секілді үйірмелерге қатыстыра бастайды. Алайда қорытындысы болмады. Оның айтуы бойынша, мектепте оған ерекше назар аудармаған. Сонымен қатар, ол гуманитарлық пәндерді, шет ел тілдерін үйрену оған оңайға соқты, бірақ ол математика жағынан әлсіз болды. Мектепке бармастан бұрын Агреппина екі гувернантпен танысқан болатын. Біреуі неміс, екіншісі француз болды, екеуі де орыс тілінде нашар сөйлегендіктен, Агриппина мектепке бармастан бұрын неміс және француз тілдерін үйреніп алды. МГУ, журналистика факультетінде білім алып, кейіннен журналист болып жұмыс жасады. Сырқаттанған кезде детективті романдарын жазып жүрді. Агриппина Валентина Катаеваның немересі Тина және Корней Чуковскиймен дос болды.

Отбасы

• Екі рет ажырасып, үшінші рет 1983 жылы Александр Иванович Донцовқа тұрмысқа шықты. Александрдың 1973 жылы дүниеге келген ұлы болды. Есімі - Дмитрий Донцов.

• Дарьяның екі баласы болды: біріншісі 1972 жылғы Аркадий, екіншісі – 1986 жылғы Мария Донцова.

• Аркадийдің Никита деген ұлы бар (жазушының немересі).

Марапаттары

• 2001,2001,2003 жылдары «Жыл жазушысы»

• 2002, 2003 жылдары «Жыл бестселлері»

• 2002 жылы «Жыл авторы» және «Жыл есімі» атағына иеленіп, «Библио-Глобус» сауда үйінің лауреаты атанды

• 2003 жылы «Жыл кітабы»

• в 2006, 2007, 2008, 2009, 2010 жылдары ВЦИОМ сұхбаты бойынша «Жыл жазушысы»

• 2011,2012, 2013 және 2014 жылдары ВЦИОМ сұхбаты бойынша «Жыл жазушысы»

Шығармалары

Дарья Донцова романдарын авторға ұқсас қасиеттері бар кейіпкерлерден тұратын 6 циклге бөлді:

• Даша Васильева
• Евлампия Романова
• Виола Тараканова
• Иван Подушкин
• Татьяна Сергеева
• Степанида Козлова

Автобиографиясы

«Записки безумной оптимистки» (2003)

• «Записки безумной оптимистки. Два года спустя» (2005)

• «Записки безумной оптимистки. Три года спустя» (2008)

• «Я очень хочу жить. Мой личный опыт» (2013)

Басқа кітаптар

• «Британец китайского производства. Народный детектив» (2005) (Татьяна Сергеева)

• «365 пожеланий от Дарьи Донцовой» (2010)