Дашкевич, Александр Юрьевич

Уикипедия — ашық энциклопедиясынан алынған мәлімет
Jump to navigation Jump to search

Александр Юрьевич Дашкевич ("XBOCT") — украиналық киберспортсмен, Dota 2 ойыншысы және жаттықтырушы.

Александр Юрьевич Дашкевич
Сурет
Туған күні

29 желтоқсан 1990 (1990-12-29) (31 жас)

Туған жері

Ялта, Украин КСР

Азаматтығы

Украина

Ұлты

украин

Александр Дашкевич 1990 жылы Ялтада дүниеге келген . Балалық шақта компьютерлік ойындар ойнады: алдымен Warcraft, содан кейін DotA. Мектепте шашының құйрығы болған, сол үшін "хвост" деген лақап ат алды.

Мектепті бітіргеннен кейін Киев мемлекеттік сауда-экономикалық университетіне "қаржыгер"мамандығы бойынша оқуға түсті. Киевте Hard Team командасымен бірге Александр ірі жергілікті турнирді жеңіп, содан кейін Planet-X құрамында кәсіби сахнада өнер көрсете бастайды.

2010 жылдың қазан айында XBOCT Natus Vincere командасына ауысып, жаңа ұжыммен бірге сол кезде Украина DTS командасының мықты бәсекелестігін құрайды. Бірақ, DTS-дан Natus Vincere-ға екі жетекші ойыншы өтеді: Даниил Ишутин ("Dendi") және Иван Антонов ("ArtStyle"). 2011 жылы Natus Vincere тағы екі ойыншы өтеді: Клемент Иванов ("Puppey") және Дмитрий Куприянов ("LightofHeaven").

2011 жылы Valve ойынын әзірлеуші компания сол кезде жүлде қоры 1 600 000 доллар болатын турнир өткізеді. Natus Vincere құрамындағы Александр The International атауын алған турнирге дайындықты бастайды және сайып келгенде жеңіске жетеді. Тарихтағы алғашқы Dota 2 Әлем чемпиондары бүкіл турнир үшін тек бір ғана картадан ұтылып, бір миллион доллар ұтып алды. Жеңген ақшаның бір бөлігін Александр Киевте пәтер сатып алуға жұмсайды.

Көп ұзамай команданы Иван Антонов тастап, Александр Дашкевич "керри" позициясына көшеді. Келесі бірнеше жылдар бойы XBOCT әлемдегі ең үздік керри болып саналды. Алайда, Қытайда Alienware Cup 2013 турнирінде Beyond The Summit талдаушылары оның біліктілігін 10-нан 4 баллға бағалады, бірақ Александр өзінің үздік қасиеттерін көрсете білді және өз командасына турнирді ұтып алуға көмектесті; осы жағдайдан кейін қауымдастықта "төрт" саны Александрдың "керри" рөлімен тығыз байланыста болды.

2012 және 2013 жылдары Natus Vincere құрамында XBOCT The International финалына шықты, одан кейін нәтижелер нашарлай бастады. 2015 жылы Natus Vincere құрамды босату туралы шешім қабылдайды және Александр "жеңуге туған" командасынан кетеді. XВОСТ Team Empire, Fantastic Five, Team Spirit, Virtus.pro сияқты бірқатар атақты командаларда өнер көрсетеді, алайда, елеулі табыстарға қол жеткізбейді. Дегенмен, 2015 жылғы жағдай бойынша Александр әлемдегі Dota 2-дегі ең танымал ойыншылардың ондығына кірді.

2017 жылдың жазында Александр Дашкевич Natus Vincere-ге жаттықтырушы ретінде оралады.