Дегелектәріздестер

Уикипедия — ашық энциклопедиясынан алынған мәлімет
Навигацияға өту Іздеуге өту

Дегелектәріздестер немесе Сирақты құстар отряды(Ciconiiformes) - 6 тұқымдастардан (құтандар, қайықтұмсықтылар, китбастылар, балғабастылар, дегелектер, тырнақұтандар тұқымдастары) біріктіріліп, 118 түрден тұратын өте әртекті топ. Олардың аяқ құралысы барлығына ортақ - әдетте жіліншігі мен сирақтың төменгі бөлігі белгісіздеу, ұзын болып келеді. Артқы төртінші саусағы дамыған, орта және сыртқы саусақтардың түпкі жағы әлсіз және жіңішке жарғақпен байланысқан. Қалған бөліктері бірінен-бірі ерекше ажыратылады. Олардың дене мөлшері 100 граммнан 6 килограммға дейін жетеді. Отрядтың ұсақ өкілдері жұмсақ қауырсынды, ал ірі өкілдерінің қауырсындары тығыз және қатқыл. Тұмсықтары әр пішінді болғанымен, үнемі ұзын болып келеді. Күндізгі кешкілікті және түнгі құстар түрі бар, негізінен алғанда суда және су маңында болады. Жануартекті жеммен қоректенеді. Алайда аулау жолдарында айырмашылық көп - жүргенде және ұшқанда қарауылдап, тасадан қарау, тұмсығымен барлап қараудан бастап, өлексемен қоректенуге дейінгі әдістер бар. Олар жемдерін бөлшектемей, тұтастай жұтады. Әр түрлі жағдайларда ұялап, жиі шоғыр түзеді.

Дереккөздер[өңдеу | қайнарын өңдеу]

[1]

  1. Құстар. Мектеп энциклопедиясы.Алматы 2010