Десант түсіру

Десант түсіру — қарсылас тылында аса маңызды тапсырмаларды орындау үшін әскердің әуе көлігі көмегімен жсткізілетін бөлім. Парашютті, қондырмалы немесе аралас (парашютті-қондырмалы) әдістермен жүзеге асырылады. Десанттарды дайындау кезінде десанттандыруға белгілі бір аудан белгіленеді. Десант түсіругe ұшақтардын (тікұшақтардың) әскерлермен ұшуы, әскери көлік авиациясы бөлімдерінің әуеде әскери тәртіппен caп түзеуі және жеке құрам мен әскери техниканың десанттандыру ауданына ұшырылуы мен түсірілуі жатады. Белгіленген шығу ауданынан десанттандыру ауданына дейінгі арақашыктық десанттандыру қашықтығы, ал әскери жанамаласқан жақ межесінен десанттандыру ауданына дейінгі аралық десанттандыру терендігі деп аталады. Десант түсіру Екінші дүниежүзілік соғыс жылдарында, соныамен бірге, Ұлы Отан соғысы операцияларында кенінен қолданылды. Екінші дүниежүзілік соғыстан кейінгі қалыптасқан көзқарастар бойынша, мысалы, АҚШ әскери басшылығының көзкарасынша десанттандыру ауданында десант бөлімдері мен бөлімшелері үшін түсіру аумақтары белгіленеді. Оларға қойылатын негізгі талаптар: әуеден анықтау мүмкіндігі; алынатын объектісіне жақындық; әскердің жасырын орналасуына ыңғайлы аймаққа жақын жергілікті бөлімдердің болуы; қарсыластың мықты әуе шабуылына қарсы және десанттык корғанысының болмауы; шабуыл объектісіне жасырын кіре берістің болуы; тасымалдау ұшақтарын қондыруға арналған шағын ауданның жабдықталуы. Десант түсірудің шығынсыз болуын камтамасыз ету үшін десанттандыру ауданы мен десанттық ұшу бағытында барлау жүргізіледі, қарсыласты басу ұйымдастырылады.