Десте

Уикипедия — ашық энциклопедиясынан алынған мәлімет
Jump to navigation Jump to search
Packet Switching.gif

Десте (Пакет; packet) — желі арқылы тасымалданатын мәліметтерді сипаттайтын жалпы аталым. Құрамына адрес, мәліметтер және тексеруші элементтер кіретін, біртұтас нәрсе ретінде тасымалданатын биттер (ақпарлар) тобы.

Ақпарат бір ортақ ағында тасымалданатын кішігірім үзінділерге (дестелерге, дейтаграммаларға) бөлінеді. Әрбір дестеде алушының (қабылдаушының) адресі көрсетіледі. Бағдарлауыш осы мәліметті пайдалана отырып, әрбір десте үшін бағдар тандайды.

Дестені қалыптастыру (Формирование пакета) — желілік адаптер мәліметтерді үлестерге бөледі немесе қабылдаған кезде оларды біріктіреді. Мысалы, Ethernet желісінде осындай үлестің өлшемі 1500 байт, ал ATM торабында 48 байт болады. Адаптер мәліметтер дестесіне бастаманы және аяқтаманы қосады. Бұл сатыдан кейін адаптерде жеткізуге дайьш десте қалыптастырылған болып шығады.

Дестені ашу (Распаковка пакета; unpacking) — дестеленген ондық мәліметтерді ашылған пішімге түрлендіру; дестелеуге кері операция.

Дестелер тізбегінің бұзылуы (Нарушение последовательности пакетов; packet desequencing) — қарым-қатынас желісіне әр түрлі маршруттармен берілетін және осының салдарынан жеткізу уақыты бірдей болмайтын дестелер тізбегінің реттілігін жоғалту процесі.

Түрлері[өңдеу | қайнарын өңдеу]

Астасқан десте (Интегрированный пакет; integrated package) — өзара байланысты мәселелерді шешуге бейімделген қолданбалы программалар дестесі.

Басқарушы десте (Управляющий пакет; control packet) — желіні басқаруға қажетті ақпараттан тұратын өріссіз мәліметтер дестесі. Жалғастырумен, ажыратумен және ағынмен басқару дестесі, болжам, қате жағдайларды түзету дестесі болып бөлінеді. [1]

Тағы қараңыз[өңдеу | қайнарын өңдеу]

Дереккөздер[өңдеу | қайнарын өңдеу]

  1. Қазақ тілі терминдерінің салалық ғылыми түсіндірме сөздігі: Информатика және компьютерлік техника / Жалпы редакциясын басқарған – түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А. Қ. Құсайынов. – Алматы: «Мектеп» баспасы» ЖАҚ, 2002 жыл. – 456 бет. ISBN 5-7667-8284-5