Деформациялық жік

Уикипедия — ашық энциклопедиясынан алынған мәлімет
Jump to navigation Jump to search

Деформациялық жік — мүмкін болатын деформация орындарында конструкция бөлшектеріне түсетін жүктемені азайтуға арналған жік. Мұндай деформация ауа температурасының құбылуынан, сейсмикалық жағдайлардан, жер беткейіне түсетін жауын-шашынның ықпалынан және қауіпті салмақ түсіретін басқа да әсерлерден пайда болады. Деформациялық жік ғимаратқа, құрылысқа серпімділік қасиет береді. Бітеулеу мақсатында тығыз оқшаулау материалымен толтырылады.

Мақсатына қарай келесі деформациялық жіктері қолданылады: температуралық, компенсациялық, шөгінді, антисейсмикалық және шөгу.

Көпірдегі деформациялық жік орыны

Температуралық жіктер құрылысты жер деңгейінен шатырға дейін қоса алғанда іргетасын қозғамай бөледі. Аз деңгейде температуралық тербелісті бастан кешіреді, соның салдарынан айтарлықтай деформацияға ұшырамайды. Температуралық жіктер арасындағы қашықтық қабырға материалына және құрылыс ауданындағы есептелген қысқы температураға байланысты қабылданады.