Джон Стюарт, 3-ші Леннокс графы

Уикипедия — ашық энциклопедиясынан алынған мәлімет
Jump to navigation Jump to search

Джон Стюарт, 3-ші Леннокс графы
ағыл. John Stewart, 3rd Earl of Lennox
Лауазымы
3-ші Леннокс графы
1513 - 1526
Ізашары Мэтью Стюарт
Ізбасары Мэтью Стюарт
Өмірбаяны
Дүниеге келуі 1490 жыл(1490)
Қайтыс болуы 4 қыркүйек 1526(1526-09-04)
Линлитгоу, Шотландия
Династия Стюарттар
Әкесі Мэтью Стюарт
Анасы Элизабет Гамильтон
Жұбайы Элизабет Стюарт
Балалары Мэтью, Роберт, Джон, Элеонора, Элизабет

Джон Стюарт (ағыл. John Stewart; шам. 14904 қыркүйек 1526) — 3-ші Леннокс графы (1513 жылдан бастап) — шотландық барон, король Яков V Стюарттың кәмелет жасына толмаған кезеңіндегі роялистер көшбасшылардың бірі.

Өмірбаяны[өңдеу]

Джон Стюарт Флодден түбіндегі шайқаста қайтыс болған 2-ші Леннокс графы, Мэтью мен 1-ші Гамильтон лорды, Джеймс Гамильтонның (шам. 1415-1479 жж.) қызы Элизабет Гамильтонның (анасы жағынан Шотландия королі Яков II Стюарттың немересі) ұлы.

1515 жылы Олбани герцогы, Джон Стюарт Яков V-нің кәмелет жасына толмаған кезінде Шотландия регенті болып тағайындалғаннан кейін, Леннокс графы регентке қарсы бүлік көтерді. Сонымен қатар, ол таулы кландардың көтерілісін ұйымдастырды. Төңкерісті регенттің профранцуздық саясатына наразы болған Англияның патшасы Генрих VIII белсенді қолдады. Бірақ Глазгодағы қақтығыста Леннокс графы әскерін Олбани герцогы тас-талқан етіп жеңді, сонымен көтеріліс жаншылды. Регент саяси икемділікті көрсетті және бүлікшілердің басшыларына қарсы қуғын-сүргінді қолданбады. Көп ұзамай Леннокс қайтадан регенттік кеңеске қабылданды.

1524 жылы Олбани регенттіктен босатылды, елдегі билікті Ангус графы басып алды. Барлық басты мемлекеттік лауазымдарға Ангустың туыстары тағайындалды, ал жас патшаны Эдинбург сарайына кепілдік ретінде ұсталды. Леннокс уақытының ең дәйекті роялистері ретінде 1526 жылы Яков V-мен байланыс орнатып, патшаны босату үшін әрекеттерді ұйымдастырды. Әрекет шотланд ақсүйектердің арасында кеңінен қолдау алды, бірақ 1526 жылы 4 қыркүйекте Леннокс патшаны босатуға тырысып жатқанда қаза тапты.

Отбасы[өңдеу]

1511 жылы 19 қаңтарда 1-ші Атолл графы, Джон Стюарт (1440-1512 ж.) пен 3-ші Оркней графы, Уильям Синклердің қызы Элеонора Синклердің (1457-1518) қызы Элизабет Стюартқа үйленді. Балалары:

  • Мэтью Стюарт (1516—1571), 4-ші Леннокс графы (1526—1571)
  • Роберт Стюарт (1517—1586), 6-ші Леннокс графы (1578—1580)
  • Джон Стюарт (шам. 1519 — 1567), 5-ші д’Обиньи сеньорі (1543—1567)
  • Элеонора Стюарт Шотландия королі Яков V-нің сүйіктісі және Колдингем приоры, Джон Стюарттың анасы, 1-күйеуі — Уильям Эрролл граф, 2-күйеуі — 11-ші Сазерленд графы (1546—1567), Джон Гордон (1525—1567)
  • Элизабет Стюарт, күйеуі — Ниниан Росс