Джулиан Патша XII
 | Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
|
Джулиан Патша XII – өзін-өзі жариялаған лемур патшасы. Бұрын Мадагаскарда тұрды, бірақ кейін Нью-Йорктегі Орталық хайуанаттар бағына көшті. Мадагаскардың бес фильмінің кейіпкері.
Сипаттамасы[өңдеу | қайнарын өңдеу]
Джулиан – мысықты лемур. Оның сұр жүні және ақ пен қара жолақты құйрығы бар. Джулианның айрықша ерекшелігі – бұл оның патша екенін дәлелдейтін тәжі (бірақ фильмде ол өзін-өзі жариялаған патша екендігін айтады).
Өмірбаяны[өңдеу | қайнарын өңдеу]
Ең алғашқы фильмдет оның Мадагаскарда тұратыны көрсетіледі, бірақ кейін өз достарымен Нью-Йоркке көшіп кетеді. Мадагаскарда тұрған уақытта Морис және Мортпен достасып, өз-өзін патша деп жариялайды. Кейін Алекс, Марти, Глория, Мелман және пингвиндермен Нью-Йорктегі хайуанттар бағында тұрады. Фильмдерде антагонист және екінші пландағы кейіпкер.
Мінезі[өңдеу | қайнарын өңдеу]
Джулиан өзімшіл және күндіз-түні өзін жоғары көтеруге, сондай-ақ басқаларды оны дәріптеуге мәжбүрлеуге дайын. Ол барлық істеген істен қанағат алуды ұнатады. Егер оған қызық болмаса, ол істеген жұмыстың маңыздылығына қарамай, оны дереу ауыстырады. Джулиан патша болғандықтан, барлық сұраққа жауап білетіндігіне сенімді.Өзінің қиын мінезіне қарамастан, барлығына көмек беруге дайын.
Қарым-қатынастар[өңдеу | қайнарын өңдеу]
Джулиан өзімшіл патша болғандықтан, ол достықты қабылдамайды, бірақ өзінің ең жақын қызметшісі және алғашқы досы деп Мористі айтады. Патша өте өзімшіл болса да, жалғыз және достарсыз қалудан қорқады, бірақ өз тәкапардылығынан кешірім сұрауды білмейді.
Ізбасарлары[өңдеу | қайнарын өңдеу]
Морис – Джулианның басты кеңесшісі және ең жақсы досы. Джулианға қандай да бір жұмысты орындау керек болғанда әрқашан оған барады.
Морт – қызметші, сайқымазақ. Патшаның аяқтарына қол тигізу үшін Морт әр нәрсеге дайын, бірақ Джулианға біреу аяғына тиіп кеткені ұнамайды.
Пингвиндер – Шкипер, Ковальский, Рики және Рядовой атты пингвиндер Джулианға Мадагаскардан ұшып кетуге көмектесетін, ғалым пингвиндер. Олардың пікірінше, Джулиан өте надан және тәкапар болып табылады.