Диас Ғабдулхакимұлы Бөкейханов

Диас Ғабдулхакимұлы Бөкейханов (28 мамыр 1937 жылы, Түркістан облысы, Шымкент қаласында туған) – техника ғылыми докторы (1992 жылы), профессор (1994 жылы). Ташкент политехникалық институтын (1961 жылы) бітірген. 1961–66 жылдары Орталық карьераның бұрғылау жөніндегі тау-кен шебері, бұрғылау-жару жұмыстарының бастығы, 1967–69 жылдары Қазақ политехникалық институтының (қазіргі Қазақ ұлттық техника университеті) аға инженер, кіші, ғылыми қызметкері.

1969 жылдан Қазақстан Ғылым Академиясының Тау-кен институтының аға инженері, аспиранты, аға оқытушы, доцент, зертхана меңгерушісі, директордың ғылыми жұмыстар жөніндегі орынбасары қызметтерін атқарды. Ауысым бастығы, бұрғылап жару жұмыстарының жетекшісі, КСРО-нің В.И.Ленин атындағы Түсті металлургия минералына қарасты Алмалық тау-металлургия комбинатындағы «Қалмақыр» кен орны Орталық карьерінің техника жетекшісі (1961-67), аға инженер, КСРО Ғылым Академиясының Тау істері институтының кіші ғылым қызметкері (1967-69), аспирант, аға оқытушы, Қазақ политех институтының доценті (1969-85), зертхана меңгерушісі (1985-95) болған.

1995 жылдан бері ҚР ҰҒА Тау істері институтында ғылыми жұмыстар директорының орынбасары.

Негізгі ғылыми еңбектері ашық кен орындарын жетілдіру теориясына, кен орындарын автоматтандырылған жобалауға және кен орны алаңдарына таулы-геометриялық талдау жасау әдістерін құруға, негізгі параметрлерін анықтауға, дамыту бағыттарына, күнтізбелік жобалау және тау жұмыстары іс тәртібіне, карьердің тау-транспорттық жүйелерінің параметрлерін ықшамдауға арналған. Үндістан, Болгария, Ауғанстан, Ресейдегі, сонымен қатар Қазақстандағы бірқатар ірі кен орындарын пайдалану жобаларын жасауға қатысқан. 120 ғылыми еңбектің, оның ішінде 3 монографияның авторы.

Қаныш Сәтбаев атындағы сыйлық лауреаты (1996).

Шығармалары

• "Карьерлерді автоматтандырылған жобалау жүйесін әзірлеудің геоақпараттық нысандық-барлау технологиялары", Жәрменов А.А., Турдахунов М.М., Бөкейханов Д.Ғ., Бекмырзаев Б.Ж., Съедин В.Ф., Алматы;

Сілтемелер

1. «Монография шығару»