Диас Ғабдул-хакімұлы Бөкейханов

Уикипедия — ашық энциклопедиясынан алынған мәлімет
Навигацияға өту Іздеуге өту

Диас Ғабдул-хакімұлы Бөкейханов (1937 ж. туған, Шымкент қаласы) – ғалым, техника ғылымының докторы (1992), профессор (1994), ҚР Минералды ресурстар Академиясының корреспондент мүшесі. Ташкент политехникалық институтын тау-кен инженері мамандығы бойынша бітірген (1961). 1961 – 1966 ж. Орталық карьерде экскаватор машинистінің көмекшісі, бұрғылау мастері, тау-кен мастері, бұрғылау-қопару жұмыстарының бастығы; 1967 – 1969 ж. Қазақ политехникалық институтында (қазіргі Қазақ ҰТУ) аға инженер, кіші ғылыми қызметкер; 1969 жылдан ҚР ҒМ-ҒА Тау-кен істері институтында аға инженер, аспирант, аға оқытушы, доцент, лаборатория меңгерушісі, директордың орынбасары. 120 ғылыми еңбектің, оның ішінде 3 монографияның авторы. Қ.И. Сәтбаев атындағы сыйлықтың лауреаты.[1] 1969 жылдан - В.И. Ленин атындағы ҚазПТИ аға инженері, аспиранты, аға оқытушысы, доценті, бір мезгілде салалық зертхананың меңгерушісі және ғылыми жетекшісі. 1985 жылдан - ҚазКСР ҒА Кен ісі институтының зертхана меңгерушісі, директордың бірінші орынбасары. 2001 жылдан бері - «ҚР МШКҚӨ ҒО» РМК жер қойнауын ашық қазу зертханасының меңгерушісі, геотехнология, кен системологиясы және жер қойнауын тану бөлімінің бастығы. Білім және ғылым саласындағы қадағалау және аттестат тау тералқасы мен комитетінің, «Қазақстанның кен журналы» редакциялық алқасының, ҚР Минералдық ресурстар академиясы тералқасының, Орталық-Азия кен-өнеркәсіп одағының төралқасының мүшесі.

  • Медальдар және «КСРО жоғары мектебінің жұмысындағы үздік табыстары үшін», «Алтыналмас» Акционерлік компаниясының 10 жылдық құрметі, «ҚР ғылымды дамытудағы сіңірген қызметі үшін» белгілерімен марапатталған. Қ.И. Сәтбаев, Ш.Е. Есенов атындағы сыйлықтардың лауреаты.[2]

Дереккөздер[өңдеу | қайнарын өңдеу]

  1. Қазақ энциклопедиясы
  2. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2