Дилтиазем

Уикипедия — ашық энциклопедиясынан алынған мәлімет
Jump to navigation Jump to search

Дилтиазем – дәрілік зат, кальций каналдарының бөгегіші ретінде танымал дәрілік препаррат, артериалды гипертензия, стенокардия және аритмия кезінде қолданылады

Саудалық атаулары: Progor, Herben, Altiazem, Cardizem, Cartia XT, Tiazac, Tiazac XC, Tiamate, Taztia XT, Adizem, Viazem, Dilatam, Dilzem, Angiozem, Dilatem, Dilcardia, Diltelan, Diltime, Dyalec, Filazem, Tildiem, Vasmulax, Vasocardol & Vasocardol CD(Австралияда), Zandil, Zemtrial, Angizem CD, Angizem, Dilcontin SR (Үндістанда), Dilt-CD, Dilt-XR, Corzem (Иорданияда)

Қазақстандағы негізгі саудалық атауы: Дилтиазем Ланнахер

Халықаралық патенттелмеген атауы: Дилтиазем

Дәрілік түрі Үлбірлі қабықпен қапталған ретард таблеткалары

Құрамы[өңдеу]

Бір таблетканың құрамында белсенді заттар - 90 мг немесе 180 мг дилтиазем гидрохлориді. қосымша заттар: лактоза моногидраты, полиэтилакрилат- полиметилакрилат, метакрилді сополимер қышқылы, полиэтилакрилат-полиметилакрилат-үш метил аммонийдің метилметакрилат гидрохлориді, гидроксипропилметилцеллюлоза, магний стеараты, макрогол 6000, титанның қос тотығы, тазартылған тальк, полиакрилат.

Сипаттамасы[өңдеу]

Бөлінетін сызық ақ түсті, үлбірлі қабықпен қапталған екі беті дөңес, дөңгелек таблеткалар.

Фармакотерапиялық тобы[өңдеу]

Кардиомиоциттерге тікелей әсер ететін селективті кальций өзекшелерін "баяу" бөгегіштері. АТЖ коды C08DB01

Фармакологиялық қасиеттері[өңдеу]

Фармакокинетикасы[өңдеу]

Ішке қабылдағаннан кейін препараттың белсенді заттары асқазан-ішекжолынан жақсы сіңеді, қан плазмасы ақуыздарымен байланысуы 80% құрайды. "Алғашқы ету" кезінде бауыр арқылы биоөзгеріске ұшырайды. Препарат көбінесе несеппен және өтпен метаболиттер тұрінде шығарылады, 2-4% несеппен өзгермеген түрде шығарылады.

Фармакодинамикасы[өңдеу]

Кальций өзекшелерін бөгегіш тобындағы Дилтиазем Ланнахері. Кардиомиоциттерде және қан тамырлары тегіс бұлшықеттерінің жасушаларында кальций иондарының құрамы жасуша ішінің төмендеуі арқылы антиангинальды, антигипертензивті және антиаритмиялық эсер етеді, миокард жиырылуын азайтады, атриовентрикулярлы еткізгіштігін баяулатады, жүрек жиырылысының жиілігін азайтады. Оттегіде миокард қажеттілігін төмендетеді, тәждік артериялардың кеңеюін туғызады, тәждік қан ағысын арттырады, шеткергі артериялар тегіс бұлшықеттерінің тонусын және жалпы шеткергі тамыр қарсылығын төмендетеді, миокардқа оттегінің жеткізілуін жақсартады.

Қолданылуы[өңдеу]

- артериялық гипертензияны емдеу үшін ,

- стенокардия ұстамаларын емдеу және алдын алу үшін (оның ішінде Принцметал стенокардиясында) ,

- қарынша үсті аритмиясы ұстамаларының алдын алу үшін (пароксизмальды тахикардияда, жүрекшенің жыпылықтауында және жыбырлауында, экстрасистолияда).

Қолдану тәсілдері және дозалары[өңдеу]

Таблетканы тамақтанудың алдында, шайнамастан және судың аздаған мөлшерімен қабылдау керек. Дозалау режимін жеке белгілейді. Әдетте тәуліктік доза 180-360 мг, 2 қабылдауға бөліп тағайындалады. Ең жоғарғы тәуліктік доза 360 мг құрайды. Ұзақ демеуші емге көшкен кезде препараттың дозасы тәулігіне бір рет таңертең қабылданатын, 180 мг-ға дейін азайтылуы мүмкін.

Жағымсыз әсерлері[өңдеу]

Дилтиазем Ланнахер препаратын әдетте жақсы көтеруге болады, сирек жағдайларда жағымсыз әсерлер болуы мүмкін

- бас ауыруы, бас айналуы , - - тез шаршағыштық, ұйқының бұзылуы , - - аяқ-қолдың ісінуі , - - ауыздың кеберсуі, жүрек айнуы, құсу, іш қатуы, іш кебуі, қыжыл, бауыр трансаминаза белсенділігінің уақытша жоғарылуы мүмкін.

Қолдануға болмайтын жағдайлар[өңдеу]

- бензотиазепин туындыларына жоғары сезімталдықта , - айқын брадикардияда , - синустық түйіннің әлсіреген синдромында , - кардиогенді шокта , - Ii және II! дәрежедегі атриовентрикулярлық бөгелісінде (кардиокөтермелегіші бар емделушілерді қоспағанда) , - Вольф-Паркинсон-Уайт синдромында , - артериялық гипотензияда , - жедел жүрек жеткіліксіздігінде , Il Б - III сатыдағы созылмалы жүрек жеткіліксіздігінде - бауыр және бүйрек қызметінің айқын бұзылуында , - жүктілік және лактация кезеңінде , - 18 жасқа дейінгі балаларға.

Дәрілермен өзара әрекеттесуі[өңдеу]

Дилтиазем Ланнахер препаратын антигипертензивті дәрілермен бір мезгілде қабылдаған кезде гипотензивті әсерінің күшеюі байқалады.

Дилтиаземді және дигоксинді бір мезгілде қолданғанда қанда дигоксин концентрациясын жоғарылатуы мүмкін. Дилтиазем Ланнахер препаратын аритмияға қарсы дәрілермен, бета-адренбөгегіштерімен, жүрек гликозидтерімен бір мезгілде қабылдағанда брадикардияның, атриовентрикулярлық өткізгіштігі бұзылуының, жүрек жеткіліксіздігі белгілерінің пайда болуының дамуы мүмкін. Циметидин Дилтиазем Ланнахер препаратының әсер етуін ұзарта отырып, бауырда дилтиаземнің биоөзгеріс үдерісін әлсіретеді, оның сырқа шығарылуын баяулатады. Дилтиазем Ланнахер препаратын карбамазепинмен, хинидинмен, циклоспоринмен және теофиллинмен бір мезгілде қабылдағанда Р-450 цитохромына дилтиазем әсерін төмендететін соңғысының салдарынан уыттылық әсері күшеюі мүмкін.

Айрықша нұсқаулар[өңдеу]

Брадикардияға бейім емделушілерге, артериялық гипотензияға бейім кезінде, қарыншаішілік өткізгіштігінің бұзылуы кезінде, егде жастағы емделушілерге, бауыр және бүйрек қызметінің бұзылуы бар емделушілерге сақтықпен тағайындау керек. Дилтиазем Ланнахер препаратын қабылдап жүрген кезде спиртті ішімдік ішуге болмайды.

Дәрілік заттың автокөлік құралдарын немесе қауіпті механизмдерді басқару қабілетіне әсер ету ерекшеліктері.[өңдеу]

Дилтиаземді қабылдағанда психикалық және физикалық реакциялардың (мысалы, көлік құралдарын, механизмдерді басқаруда, жоғарыда жұмыс істеу және т.с) жоғары жылдамдығын талап ететін жұмыстарды орындауға жағымсыз болуы мүмкін.

Артық дозаланғанда[өңдеу]

Белгілері: брадикардия, атриовентрикулярлы өткізгіштігінің бұзылуы, артериялық гипотензия.

Емдеу: артық дозаланудың пайда болуының ауырлығына байланысты. Асқазанды шаю, белсендірілген кемір тағайындау, ары қарай белгісіне қарай емдеу қажет. Қажет болғанда атропин, изопротеренол, допамин немесе добутамин тағайындау қажет, сондай-ақ, еткізгіштіктің айқын бұзылуында электрокардио көтермелегіш қолданылуы мүмкін.

Шығарылу түрі және қаптамасы Үлбірлі қабықпен қапталған ретард таблеткалар 90 мг-дан, 20 дана нұсқаулықпен бірге қаптамаға салынған.

Үлбірлі қабықпен қапталған ретард таблеткалар 180 мг-дан, 30 дана нұсқаулықпен бірге қаптамаға салынған.

Сақтау шарттары[өңдеу]

25°С-ден аспайтын температурада, құрғақ, жарықтан қорғалған жерде сақтау керек. Балалардың қолы жетпейтін жерде сақтау керек. Сақтау мерзімі - 36 ай немесе 3 жыл

Дәріханалардан босату шарттары:[өңдеу]

Рецепт арқылы босатылады