Дискриминатор

Дискриминатор (лат. diskrimino — боліп алу) — электр тербелістері параметрлерінің (фазасының, жиілігінің, ұзақтылығының) өзгерісін сол тербелістің амплитудасының өзгерісіне айналдыратын немесе импульстер арасынан амплитудасы белгіленген шамадан асатын импульстерді бөліп шығаратын электрондық құрылғы (каскад). Дискриминатордың жұмыс істеу әрекеті өзгертетін параметрлерді немесе бөлініп алынатын импульстерді белгілі бір стандартты тербелістің параметрлерімен немесе импульстерімен салыстыруга негізделген салыстыру нәтижесінде, салыстырылатын параметрлер мәндерінің айырымына пропорционал кернеу алынады. Дискриминаторлардың фазалық, жиіліктік, уақыттық және амплитудалық түрлері бар. Автоматты реттеу жүйелерінде, радиоқабылдағыштардың жиіліктік және фазалық детектор- ларында қолданылады.