Дмитрий Александрович Рожковский

Уикипедия — ашық энциклопедиясынан алынған мәлімет
Jump to navigation Jump to search

Дмитрий Александрович Рожковский (15.10.1915 ж.т., Ресей, Омбы облысы Тара қ. – 14.8. 1991, Алматы қ.) – физика-математика ғыл. докт. (1963), проф. (1969), Қазақ КСР-інің еңбек сің. ғыл. қайраткері (1967).

Томск мемлекеттік университетінің физика-математика ф-тін бітірген (1941). Новосибирск қаласындағы аэрогеодезиялық кәсіпорында инженер (1941–42), Семей геология барлау техникумында оқытушы (1942–46), Қазақстан ғылым академиясының Астрономия және физика институтында кіші (1946–50), аға ғыл. қызметкер (1950–51), бөлім меңгерушісі (1951–86) қызметтерін атқарған.

1961 ж. «Исследование газовых-половых туманностей на основе фотографических наблюдений со светосильным телескопом Максутова» деген тақырыпта докт. дисс. қорғаған. Негізгі ғыл. еңбектері газ-тозаңды тұмандықтар мен жұлдызаралық ортаның физ. процестерін, кометалардың қасиеттерін зерттеуге арналған. 160-тан астам ғыл. жарияланымның авторы.

Еңбек Қызыл Ту орденімен (1971) марапатталған.