Дмитрий Константинович Чернов

Уикипедия — ашық энциклопедиясынан алынған мәлімет
Jump to navigation Jump to search
Дмитрий Чернов

Дмитрий Константинович Чернов (20 қазан 1839, Петербург - 02 қаңтар 1921, Ялта) - орыс металлургы, металл тану және болатты термиялық өңдеу теориясының негізін салушы. Петербург тәжірбиелік технология институтын бітірген (1858). 1889 жылдан Петербургтегі Михайловск артиллерия училищесінің профессоры.

Еңбектері мен зерттеулері[өңдеу]

Ол 1868 жылы қатты күйдегі болаттың фазалық ауысуының (қыздырғанда және суығанда) кризистік температурасын анықтады. Осы ашылған жаңалық металл жөніндегі ілімнің теориялық негізі болды. Чернов болат құрылмының түзілуі және оған қажетті қасиет беру кезінде шешуші рөлді термиялық өңдеу (бұрын шыңдау деп саналған) атқаратынын дәлелдеп берді. Сонымен бірге ол болатты термиялық өңдеу кезіндегі оның құрылымы мен қаисеттері арасындағы өзара байланысын ашты. 1878 жылы алғаш рет болат құйманың кристалдану теориясын тұжырымдады. Чернов - болатты салқындай пластикалық деформациялау теориясын алғашқы зерттеушілердің бірі (1884). "Болат құю ісі" атты ғылыми еңбектің авторы (1891)[1].

Дереккөздер[өңдеу]

  1. Қазақ Совет энциклопедиясы, 1978 жыл, Алматы,12 том, 109 бет