Дүниежүзілік жабайы табиғат қоры

Уикипедия — ашық энциклопедиясынан алынған мәлімет
Jump to navigation Jump to search
Дүниежүзілік жабайы табиғат қоры
Мүшелік:

5 млн-нан астам мүшесі бар (әлем бойынша)

Құрылуы

11 қыркүйек 1961 жылы

wwf.ru

Швейцария:,Гланд,

Ортаққор логотипі Дүниежүзілік жабайы табиғат қоры Ортаққорда

Дүниежүзілік жабайы табиғат қоры (ағылш. World Wildlife Fund, қысқ. WWF) — ресми түрде тек АҚШ пен Канада ескі атауын сақтап, қазір World Wide Fund for Nature ретінде белгілі халықаралық үкіметтік емес ұйым. Дүниежүзілік жабайы табиғат қоры - 1961 жылы құрылған жабайы табиғатты, қоршаған ортаны қорғау, сақтау және қалпына келтіру саласында жұмыс істейтін Халықаралық үкіметтік емес ұйым. Ол дүниежүзінде 5 миллионнан астам жақтаушысы бар, әлемнің 100-ден астам елінде жұмыс істейтін[1], жер бетіндегі 3000[2]-ға жуық табиғатты қорғау және сақтау жобаларын қолдап келе жатқан әлемдегі табиғатты қорғау саласында жұмыс істейтін ең ірі тәуелсіз ұйым болып табылады.

WWF миссиясы - Жердегі табиғи қоршаған ортаның деградациясын тоқтату және биологиялық әралуандылықтың сақталуын қамтамасыз етіп, адам және табиғат арасындағы үйлесімге қол жеткізу. Сондай-ақ, жаңартылатын табиғи ресурстардың қолданысын қадағалау, әрі қоршаған ортаның ластануы мен тұтыныс ысырапшылдығының деңгейін азайту - ұйымның алдына қойған негізгі мақсаттарына жатады.[3]

Штаб квартира: Rue Mauverney 28, Gland, Vaud, Швейцария.[4]

Тарихы[өңдеу]

Ұйымның ізашары - 1947 жылы Нью-Йорк қаласында Генри Фэйрфильд Осборн Дж. (ағылш. Henry Fairfield Osborn Jr.) құрған «Қоршаған ортаны қорғау қоры» (ағылш. The Conservation Foundation) деп аталатын ұйым болатын. Қордың консультативтік кеңесінің құрамында Чарльз Элтон, Г. Эвелин Хатчинсон, Альдо Леопольд, Карл Зауэр және Пол Сирс (ағылш. Paul Sears) сияқты белгілі ғалымдар кірген. Рэйчел Карлсонның “Тілсіз көктем” атты кітабында пайдаланылған ғылыми зерттеулердің басым көпшілігі “ Қоршаған ортаны қорғау қорының” қолдауымен жүзеге асқан зерттеулер болды. Оның ішінде - Джон Л. Джордж (ағылш. John L. George), Роджер Хейл (Roger Hale), Роберт Радд (Robert Rudd) және Джордж М. Вудвеллдің (ағылш. George M. Woodwell) зерттеулерін атап өту керек.

1963 жылы “Қоршаған ортаны қорғау қоры» ұйымдастырған конференция өткізіліп, Ноэль Эйхорнның (Noel Eichhorn) жаһандық климаттың жылынуының антропогендік себептері жайлы негізгі баяндамасы жарыққа шықты. Бұл баяндама қордың вице-президенті Фрэнк Фрэйзер Дарлинг (ағылш. Frank Fraser Darling), сондай-ақ Эдвард Смит Дивей (ағылш. Edward Smith Deevey), Эрик Эриксон (Erick Ericksson), Чарльз Дэвид Килинг, Гильберт Пласс, Лионел Уолфорд (Lionel Walford) және Уильям Гарнеттің (ағылш. William A. Garnett) зерттеулерінің нәтижесіне негізделіп дайындалды[5].

Дүниежүзілік жабайы табиғат қорының нышаны - үлкен панда жануары.

Панда - Халықаралық Қызыл кітапқа енгізілген, сирек кездесетін жануарлардың бірі. Дүниежүзілік жабайы табиғат қорының негізін салушыларының бірі - ағылшын ғалымы, орнитолог, әрі суретші сэр Питер Скотт Лондондағы хайуанаттар бағында Чи-Чи пандасын көріп, суретін салған. Ол мұндай қамқорлыққа мұқтаж, ақкөңіл, сүйкімді жануардың бейнесі - жаңа құрылған ұйымның нышаны ретінде тамаша таңдау болады деп ұйғарды[6].

Дереккөздер[өңдеу]

  1. https://afr100.org/content/world-wide-fund-nature-wwf
  2. https://wwf.panda.org/discover/knowledge_hub/where_we_work/project/?
  3. https://www.greengrowthknowledge.org/organization/world-wide-fund-nature-wwf
  4. https://www.worldatlas.com/articles/where-is-the-headquarters-of-the-world-wide-fund-for-nature-wwf-located.html
  5. https://ru.m.wikipedia.org/wiki/Всемирный_фонд_дикой_природы
  6. https://www.wwf.org.la/about/