Ебес

Ебес – Ақтөбе облысы, Шалқар ауданы. Шалқар қ-нан шығысқа қарай 18 км жердегі қыстау. Үлкен Борсық құмының солтүстігінде. Ебестің солт-нде Шұқыр, шығысында Томарқұдық, оңтүстігінде Қараөлең, Жаңабас қыстаулары, батысында Шалқар көлі орналасқан. Солт.-батысынан Шалқар – Ырғыз автомобиль жолы, оңтүстігінен Арал – Шалқар темір жолымен өтеді. Құмды, сортаңды қоңыр топырағында сұр жусан, еркек шөп, жалманқұлақ, көкпек, астық тұқымдас шөптесіндер өседі. Қыстаудың маңайын мал жайылымына пайдаланады.