Егор Крид

Егор Крид KReeD
Негізгі ақпарат
Толық аты	Егор Николаевич Булаткин
Туған күні	25 маусым 1994 (1994-06-25) (30 жас)
Туған жері	Пенза, Ресей
Мемлекет	Ресей
Мамандықтары	Әнші, Музыкант
Аспаптары	гитара
Жанрлары	поп, хип-хоп
Лақап аттары	KReeD
Лейблдері	Black Star Inc. (2012—2019) Warner Music Group (2019 бастап)
http://www.black-star.ru/

Егор Крид (толық есімі – Егор Николаевич Булаткин, туған жылы - 25 маусым,1994, Пенза, Ресей Федерациясы) — ресейлік жас әнші, Black Star Inc. продюсерлік орталығының танымал жұлдыздарының бірі.

Өмірбаяны

Егор 1994 жылдың 25-інші маусымында Пенза қаласында дүниеге келген. Бала күнінен-ақ музыкант болуды армандаған. 11 жасында 50 cent-тың "Candy Shop" атты композициясын естіген соң, шабыттанып, музыкалық мансабында алғашқы қадамын басуға кіріседі. 12 жасында "Амнезия" атты алғашқы туындысын диктофонға жазып шығады, ал 2011 жылы Егор "Любовь в Сети" атты өлеңіне бейнебаян түсіріп, YouTube желісіне салады. Дәл осы өлең жасөспірімге алғашқы танымалдылықты әкелді.

Мансабы

Егордың достарының көмегімен түсірген ең алғашқы бейнебаяны 2011 жылы "Любовь в сети" атауымен ғаламторға шықты. 2012 жылы "Звезда Вконтакте - Пятый канал" жобасында "Лучший хип-хоп проект" номинациясына ие болып, жоба аяқталған соң Санкт-Петербург қаласындағы "Октябрьский" атты концерт залында "Вдохновение" әнімен сахнаға шықты.

2012 жылдың сәуір айында Black Star Inc. лейблімен келісімшартқа отырды.

2014 жылы хит-парадтар мен чарттардың алғашқы қатарынан бірнеше ай бойы түспеген "Самая Самая" әнін жазып шығарды. 2017 жылдың 17 желтоқсан күнгі көрсеткіші бойынша ән бейнебаянының YouTube желісіндегі көрсетілімі 120 миллионнан асып түсті.

2015 жылы 2 сәуір күні "Холостяк" атауымен алғашқы студиялық альбомы жарық көрді. Альбомның шығуымен қатар, Егордың жаңа әні - "Невеста" жаңа хитқа айналып үлгерді.

2015 жылы 25 шілде күні Мәскеу қаласындағы "Лужники" спорттық ккешенінде өткен Europa Plus LIVE 2015 фестивалінде өнер көрсетті.

2015 жылы 31 желтоқсан күні "Новогодняя ночь на первом" бағдарламасында "Самая Самая" әнімен сахнаға шықты.

2016 жылы 1 қаңтарда "Новогодний Голубой Огонек 2016" бағдарламасында Иосиф Кобзонмен бірге "Самая Самая" және "Надежда" әндерінің ремейгін айтып шықты.

2017 жылы "Garnier" брендінің жарнамасына түсті.

2018 жылы наурыз айында ТНТ арнасында Егор өз жұбын табуға тырысқан "Холостяк" жобасы жарыққа шықты.

Отбасы

• Әкесі - Николай Борисович Булаткин - бизнемен, ЖШҚ «Фирма "Унитрон"» компаниясының басшысы.

• Анасы - Марина Петровна Булаткина - ЖШҚ «Фирма "Унитрон"» компаниясы басшысының орынбасары. 

• Апасы - Полина Николаевна Булаткина - актриса, продюсер және әнші.

Білімі

• Пенза қаласындағы №2 Лингвистикалық гимназияны бітірген.
• Гнесин атындағы музыкалық академиясының түлегі.

Дискография

Альбомдары

• 2015 - "Холостяк"
• 2017 - "Что они знают?"

Жетістіктері

2012 жылдың наурызында "Звезда Вконтакте - Пятый канал" атты жобада "Лучший хип-хоп проект" номинациясын ұтып алды.

2014 жылы Oops! Choice Awards 2014 премиясында "Жыл әншісі" атанды.

2014 жылы ZD Awards 2014 премиясында "Прорыв Года" және "Самая Самая" бейнебаянымен "Видео года" номинацияларын жеңіп алды.

2014 жылы Woman.Ru сайтының қорытындысы бойынша, "Ең стильді ер" атағына ие болды.

2015 жылы Муз-ТВ 2015 премиясында "Прорыв года" номинациясы бойынша жеңімпаз атанды.

2015 жылы Fashion People Awards 2015 премиясында "Самая Самая" өлеңімен "Fashion-песня года" номинациясын иеленді.

2015 жылы Oops! Choicе Awards 2015 премиясында "Жыл әншісі" атанды.

2015 жылдың 23-інші ақпанында "Звуковая дорожка" атты премияның "Прорыв Года" атты номинациясында жеңіске жетті.

2015 жылдың 23-інші мамырында "Самая Самая" атты өлеңі RU.TV- дің "Ең үздік өлең" номинациясын ұтып алды.

2016 жылы "ОK!" журналы премиясында "Новые лица - музыка" номинациясына ие болды.