Ежелгі адамның өнертабыстары

Уикипедия — ашық энциклопедиясынан алынған мәлімет
Jump to navigation Jump to search

Ежелгі адамдар мыңдаған жылдар бұрын өмір сүрді. Олар аңшылықпен айналысып, аңдардың етімен азықтанды және үнемі өздерін жабайы жыртқыштардан қорғаумен болды. Олар от жағуға болатынын білген соң, оны шығаратын құралды іздеді. Бірте-бірте, шақпақ тастарды бір-біріне үйкесе от ұшқыны шығатынын білді. Олар осы тастарды қырнап, өздеріне қажетті пішінге келтірді. Мысалы, балта сияқты тастарды жерді қазуға, ағаштарды шабуға және аңдарды өлтіруге пайдаланды. Шамамен 8000 жыл бұрын адамдар жар тастың құрамында мыс сияқты металдардың бар екенін білді. Олар сол металдардан қару жасап, еңбекке пайдаланды. Осыдан 2000 жыл өткен соң Месопотамия тұрғындары металдарды араластыру арқылы мықты, берік құралдар жасап шығарды. Темірден жасалған құралдар мыстан жасалған заттарға қараған да берік болатыны анықталды. Уақыт өте келе, басқа да көптеген жаңа өнертабыстар ашылды. Солардың арасынан, мысалы: катапульта, компас, астролобия және тұт қышарды атауға болады. Адамдар от жағуды әбден меңгерген соң, майшамдарды ойлап тапты. Бұл шамдардың сырт пішіні қабыршаққа ұқсайтын. Адамдар оған семіз аңдардың қуырылған майын құйып, жанар май ретінде пайдаланатын. Өнер тапқыштар дөңгелекті жасап шығарғанда, адамдар көліктің жаңа түрлері пайда болады деп үміттенді.

Дереккөздер[өңдеу]

ҰЛЫ ӨНЕРТАБЫСТАР. – Алматы: «Аруна» баспасы. – 32 бет. – Сер.: «Балаларға арналған танымдық энциклопедия». ISBN 9965-26-447-3