Еркін Тілеуқұлұлы Жуасбеков

Еркін Тілеуқұлұлы Жуасбеков (24.4.1965 ж.туған, қазіргі Жамбыл облысы Байзақ ауданы Шақан ауылы) - театртанушы, өнертану кандидаты (1994). Алматы театр-көркемсурет (1988 ж. қазіргі Қазақ ұлттық өнер академиясы) институтын, Әдебиет және өнер институтының аспирантураны (1993, профессор Б.Құндақбайұлының жетекшілігімен) бітірген. 1988 - 90 ж. Әдебиет және өнер институтының театр және кино бөлімінде кіші ғылыми қызметкер, 1996 - 97 ж. Мәдениет комитетінің театр және кино бөлімінің бастығы, 1999 - 2001 ж. Неміс театрының директоры, 2001 жылдан Қазақ академиялық драма театрының әкімшілік директоры, әрі Қазақстан театр қайраткерлері одағының төрағасы (2004). 1992 - 98 ж. Алматы театр және кино институтында (қазіргі Қазақ ұлттык өнер академиясы) оқытушы болған.