Ерғалы Бөлегенов

Ерғалы Бөлегенов (26.10. 1954 ж. туған, Түркістан облысы,Сайрам ауданы, Ақсу ауылы) – мәжіліс депутаты. Мәскеу қаласындағы П.Лумумба атындағы Халықтар достығы университетін (1984), Қазақ химия-технология институтын (1994), Абай атындағы Алматы мемлекеттік университетін (1998) бітірген. Мамандығы тарих пәнінің мұғалімі, инженер-экономист, құқықтанушы заңгер. Испан, неміс тілдерін біледі. Еңбек жолын облыстық ұжымшар аралық құрылыс мекемесінде жұмысшы болып бастаған. 1986–1995 ж. Шымкент қаласындағы Дзержинский, Еңбекші ауданы партия комитеттерінде, Абай ауданы әкімшілігінде бөлім меңгерушісі, әкімнің орынбасары болып істеді. 1999 жылдан ҚР Сыртқы істер министрлігі жүйесінде қызмет атқарады. 2005 жылдан ТМД істері жөніндегі департамент директоры. «Астана» медалімен марапатталған (1999).