Есіркеп Өмірбеков

Уикипедия — ашық энциклопедиясынан алынған мәлімет
Jump to navigation Jump to search

‘’’Есіркеп Өмірбеков’’’ (1920, Түркістан облысы, Сарыөзен болысы, Қаратау ауылы – 2001, Созақ ауданы Шолаққорған кенті) – шежіреші, ауыз әдебиетін жинаушы, өлкетанушы.

Еңбек жолы[өңдеу]

  • 1930 ж. ауылдағы қызыл отаудан сауат ашады.
  • 1939 ж. Шолаққорғандағы жеті жылдық мектепті бітіреді.
  • 1941 ж. Түркістан педагогикалық училищесінде оқиды.
  • 1956 ж. Қазақстан Компартиясы ОК жанындағы партия мектебінде, 1959 ж. жоғары партия мектебінде оқиды.
  • 2-дүниежүзілік соғыс жылдарында жұмысшы болып істейді,
  • Созақ ауданы «Социалистік шаруа» газетінің редакциясында әдеби қызметкер, редактор болады.
  • 1952 ж. Созақ аудандық партия комитетінің Созақ зонасы бойынша хатшысы.
  • 1959 ж. Энгельс атындағы кеңшардың партия хатшысы қызметін атқарады.
  • 1959 ж. «Молшылық үшін» газетінің редакторы болды
  • 1964 ж. Созақ аудандық кеңесі атқару комитеті төрағасының орынбасары, халықтық бақылау комитетінің төрағасы болды.

Шығармашылығы[өңдеу]

Ол Созақ елінің өткені мен бүгініне қатысты тарихи деректерді жинаумен қатар өлең, поэмалар, очерктер жазды; Созақ өңірінің ақындары, домбырашылары, шешендері, бұрынғы билері, ел тағдырына із қалдырған тарихи адамдары, т.б. туралы аңыздар мен әңгімелер жинады. Ол Созақ өңірінің жиырмаға жуық (Құлыншақ, Шәді, Санбай, Айтжан, Тайжан, Бәйдібек, Мүсірәлі, Мәлік, Байсақал, т.б.) ақындарының әдеби мұрасы жөнінде, сондай-ақ Қаратау атырабына белгілі күйшілер хақында аса қызықты мағлұмат топтаған. Солардың қатарында Сүгір, Бапыш, Жаппас, Төлеген, т.б. жиырмадан астам күйші домбырашылар туралы деректері, Абақ, Жаманқара, Сейділда, Кәрібай тәрізді батырлар турасындағы қызғылықты мағлұматтары бір төбе.

Созақ елінің тарихы, табиғаты, өсімдігі, жан-жануарлар дүниесі, шаруашылығы жөнінде танымдық мәні зор деректері де мол. «Дәулет пен сәулет» (1968), «Шежірелі өлке» (2002), «Бабалар соқпағы» (2003), " Өмір керуені" (2015) атты кітаптары шыққан.[1]

Дереккөздер[өңдеу]

  1. "Оңтүстік Қазақстан Энциклопедиясы"