Жабағылы (өзен)
| Жабағылы өзені | |
|---|---|
| Сипаттамасы | |
| Ұзындығы | 36 км |
| Су алабының ауданы |
222 км² |
| Су алабы | Арыс өзені |
| Өзендердің су алабы |
Сырдария |
| Су ағысы | |
| Бастауы | Сарқырама, Құрсай, Көксала жылғалары |
| • Координаттары | 42°32′52″ с. е. 70°17′37″ ш. б. / 42.54778° с. е. 70.29361° ш. б. (G) (O) (Я) |
| Сағасы | Арыс өзені |
| • Координаттары | 42°23′42″ с. е. 70°32′39″ ш. б. / 42.39500° с. е. 70.54417° ш. б. (G) (O) (Я)Координаттар: 42°23′42″ с. е. 70°32′39″ ш. б. / 42.39500° с. е. 70.54417° ш. б. (G) (O) (Я) |
| Орналасуы | |
| Ел |  Қазақстан
|
| Аймақ | Түркістан облысы Түлкібас ауданы |
Басқа мағыналар үшін Жабағылы деген бетті қараңыз.Жабағылы – Арыс алабындағы өзен.
Географиялық орны
[өңдеу | қайнарын өңдеу]Түркістан облысы Түлкібас ауданы жерімен ағады. Ұзындығы 36 км, су жиналатын алабы 222 км2.
Бастауы
[өңдеу | қайнарын өңдеу]Бастауын Талас Алатауының солтүстік батыс беткейіндегі бұлақтардан басталатын Сарқырама, Құрсай, Көксала жылғаларының қосылған жерінен алады. Азаттық (Азаттылық) ауылы маңында Арыс өзеніне құяды.
Гидрологиясы
[өңдеу | қайнарын өңдеу]Алатау, Кіші Ақсу таулары аралығындағы арнасы тік жарлы тар шатқалмен ағып, Жабағылы ауылы тұсында ағысы баяулап, бірнеше салаларға тармақталады. Қар, жер асты суларымен толығады. Егін, мал суаруға пайдаланылады.[1]
Атау сыры
[өңдеу | қайнарын өңдеу]Жабағылы өзені туралы аңыз: Ертеректе, жаугершілік заманда тау аңғарларын паналап жаудан тығылған елден бір жылдан соң хабар алмақ болып шыққан іздеушілердің алдынан жабағы кездесіпті. Содан сол жердің де, өзеннің де аты "Жабағылы" атанып кеткен деседі.