Жайықжылуэнерго

«Жайықжылуэнерго» ААҚ — электр және жылу энергиясымен қамту жөнінде қызмет көрсететін кәсіпорын. Ол 1986 ж. қаңтарда жылумен қамтамасыз ету жүйелерін пайдаланумен және жөндеумен айналысатын облысы кәсіпорын ретінде құрылды. 1996 ж. 16 қыркүйекте облыс әкімінің шешімімен «Облжылукоммунэнерго» кәсіпорыңдары Орал жылу энергиясы орталығымен (ТЭЦ) біріктіріп, «Жайықжылуэнерго» өндірістік бірлестігі болды. Осы жылдың 16 қыркүйек айынан ол «Жайықжылуэнерго» ашық акционерлік қоғамы деп аталады. Кәсіпорын негізінен қала және облыс түрғындарын алдын ала жасалған келісімшартқа сәйкес жылу және электр энергиясымен қамтамасыз етумен айналысады. 2000 ж. мұнда 115410 мың квт/сағат электр энергиясы, 1017.7 мың Гкал жылу энергиясы өндірілді. «Жайықжылуэнерго»-ның құрамына Жылу энергиясы орталығы, Жылу желісі (магистралды және кварталішілік, 60 жылу пункті), Орал (10) және Ақсай қаласындағы (5) қазандық, автокөлік учаскесі (АТУ) және МТҚБ (ОМТС) өндірістік базалары кіреді. Акционерлік қоғамның әкімшілігі облыс орталығындағы Октябрь және Л.Толстой көшесінің қиылысында (57/1-үй) орналасқан. Қазір мұнда 1000-дай адам еңбек етеді.