Жарық құйрықты жыланбалық
Жарық құйрықты жыланбалық сүйекті балықтардың жыланбалық тәрізділер тұқымдасына жатады. Атлант мұхитының солтүстік бөлігінде тіршілік етеді. Жарық құйрықты жыланбалықтың кейбір түрінің денесінің ұзыгдығы – 60 см, кейбір түрлерінікі 2 метр болады. Денесі – ұзын, әрі жіңішке. Сыртынан қарағанда, жыланбалыққа ұқсайды. Ауызы өте үлкен, бірқазан тұмсығының астындағы қапшықтарына ұқсас созылмалы үлкен жұтқыншағы және сансыз көп қисық тістері бар. Титімдей көздері жарық детекторының қызметін атқарады. Қабыршағы – өте ұсақ, терісі қалың, шырышты. Ұзын құйрығы денесінің төрттен үш бөлігін алады. Құйрығының жіңішке ұшында жарық шашып тұратын мүшесі болады. Оның сәуле шығаруы жыланбалықтың денесінде тіршілік ететін симбионттаға байланысты. Жас жыланбалықтар 800 метр тереңдікте жүреді. Ал ересек жарық құйрықты жыланбалықтар көбінесе 2000 метр тереңдікте тіршілік етеді. Жыланбалық аузын үнемі ашып жүреді, ол аудың қызметін атқарады. Жемтіктер оған өздері келіп түсіп жатады.
Дереккөздер[өңдеу | қайнарын өңдеу]
1100 қызықты деректер