Жасанды мұз айдыны

Уикипедия — ашық энциклопедиясынан алынған мәлімет
Jump to navigation Jump to search
Medeo.jpg

Жасанды мұз айдынымәнерлеп сырғанаудан, конькиден, мотоцикл спортынан, хоккейден жарыс және цирк, балет, би ойындарын өткізуге арналған орын.

Жасанды мұз айдыны ашық алаңда немесе жабық залда жасалады. Ол үшін еден бетондалып, оның үстіне құбыр тартылады. Аммиакпен салқындатылған құбырдағы тұзды ерітінді мұзды бірқалыпты ұстауға мүмкіндік береді. Жасанды мұз айдынының жанынан тоңазытқыш қондырғысы бар арнаулы машина бөлімі салынады. Мұз қатыру үшін бетонды еденге су жіберіледі. Мұздың температурасы –1 — 100С шамасында болады. Жасанды мұз айдыны Америка мен Еуропа елдерінде 19 ғасырда пайда болды. Қазақстанда жасанды мұз айдыны бар алғашқы спорт сарайы 1966 жылы Алматыда (қазіргі Балуан Шолақ атындағы спорт сарайы), 1970 жылы биік таудағы Медеу спорт кешенінде (аумағы 10 мың м2) іске қосылды. Медеу мұз айдынының еденіне 35 мың м3 бетон төселіп, 175 км құбыр тартылды. Қазір жасанды мұз айдыны бар спорт сарайлары Астана, Теміртау, Петропавл, Қарағанды, Өскемен қалаларында да бар.[1]


Дереккөздер[өңдеу]

  1. Қазақ энциклопедиясы