Жастар (спорт сарайы, Талдықорған)

Уикипедия — ашық энциклопедиясынан алынған мәлімет
Jump to navigation Jump to search
Талдықорған қаласындағы "Жастар" спорт сарайы

Орналасқан жері[өңдеу]

Талдықорған қаласы, Ғарышкер шағын ауданы, Қонаев көшесі 22. «Жастар» спорт сарайы құрылысының құны 3 млрд 5 млн теңгені құрайды. Талдықорған қаласында сәулеті мен көлемі, атқаратын қызмет ауқымы жағынан республикада бірегей салынған «Жастар» спорт сарайы Алматы облысы әкімдігінің қаулысымен 2010 жылдың тамыз айында ашылды. «Жастар» спорт сарайының жалпы көлемі 22757,3 шаршы метр. Бұл ғимараттың маңайының алып жатқан көлемі 8 гектар. Осындай кең көлемдегі ғимаратқа қызмет көрсету үшін 120 адам қызмет атқарады. Алматы – Өскемен күре жолының оңтүстік шығысынан орын тепкен төрт қабатты ғимаратта спорттың барлық түрлеріне лайықталған 14 спорттық зал, 5 сыртқы спорттық алаң, асхана, фитнес-аймақ, 15 номерлі 25 орындық (бір және екі адамдық) қонақ үй орналасқан.

Спорттық залдары[өңдеу]

  1. Қазақша күрес, самбо залы;
  2. Дзюдо залы
  3. Таэквондо залы
  4. Грек-рим күресі залы
  5. Ауыр атлетика залы
  6. Бокс залы
  7. Теннис залы
  8. Тренажерлар залы
  9. Тир ату залы
  10. Бильярд залы
  11. Екі ойын залы (минифутбол, баскетбол, волейбол, индор-хоккей ойналатын алаңдар)
  12. Шашки, Шахмат, Дойбы залы;
  13. Талдықорған қаласының «Андрей Кивилев» атындағы облыстық велоспорттан олимпиадалық резервінің мамандандырылған балалар мен жасөспірімдер мектебі» коммуналдық мемлекеттік мекемесінің жаттығу залы.

Сыртқы спорттық алаңдары[өңдеу]

  1. Футбол алаңы
  2. Волейбол алаңы
  3. Баскетбол алаңы
  4. Екі үлкен теннис корты.

Толығырақ[өңдеу]

«Жастар» спорт сарайының спорттық залдарында спортты дамыту мақсатында жаттығу мен жарысқа қажетті және қолайлы жағдайлар жасалған. Әр зал қажетті спорттық жабдықтармен және құралдармен қамтамасыз етілген. Әр залдың өзінің шешініп киінетін екі бөлмесі (ерлер және әйелдер үшін), оның санитарлық торабы (жуынатын душы, әжетханасы ) және тренер мен құралдар қоятын кабинеттері бар. Спорт сарайы бір мезгілде 2081 адамды қабылдай алады. «Жастар» спорт сарайының орталық залында 1676 орындықты орын бар.
«Жастар» спорт сарайында балалар мен жасөспірімдерге арналған тегін оқыту-жаттықтыру спорттық секциялары жұмыс істейді. Олар дзюдо, карате-до, карате-шинкиокушинкай, таэквондо, самбо, қазақша-күрес, джиу-джитсу, стол теннисі, грек-рим күресі, бокс, кикбоксинг, футбол, волейбол, регби, индор-хоккей, садақ ату, велосипед сияқты спорт түрлерімен айналысады. Күнделікті спорттық секцияларға спортшылар мен спорт сүйгіштерден оқыту-жаттығу сабақтарына 1000-1500 адам қатысады.


«Жастар» спорт сарайында жыл сайын маңызды іс шаралар өткізіліп тұрады. Олар: қалалық, облыстық спорттық жарыстар, турнирлер, спартакиадалар, республикалық және халықаралық чемпионаттар, турнирлер. 2012 жылы Лондон қаласында өткен ХХХ жазғы Олимпиадасында алтын медаль иеленген үш қызымыз Майя Манеза, Светлана Подобедова, Зульфия Чиншанло олимпада қарсаңында «Жастар» спорт сарайында ауыр атлетикадан екі ай бойы әйелдер құрама командасының оқыту-жаттығуларына қатысуы нәтижесінде жеңімпаз болғаны - осы спорт сарайының дәрежесінің қаншалықты екенін бағалауға мүмкіндік береді.
Сол сияқты «Жастар» Спорт сарайында спорттық іс шаралардан басқа мәдени, саяси іс шаралар да өткізіледі. Олардық ішінде Қазақстан қала құрылысы және архитекторлары Одағының, шетел қонақтарының қатысуымен бірге өткізген семинар көрмесін, өндірістік және кәсіпкерлік мәселелері жөніндегі республикалық инвестициялық форумын, Қазақстан Республикасының Президенті Н.Ә.Назарбаевтың, «Нұр Отан» партиясының саясатын қолдау митингілерін, Алматы облысы әкімінің өткізетін «Жаңа жыл шыршасы» мейрамдарын атап өтуге болады[1].

Пайдаланған әдебиет[өңдеу]

    1. Ақпараттық кітапша. Жер жаннаты - Жетісу. Астана: «Атамекен, Қазақстан Картасы». 2012, – 110 бет;
    2. «Жастар» спорт сарайы мемлекеттік коммуналдық қазыналық кәсіпорны директорының 01.07.2013 жылғы № 216 ақпараты.