Жаттығу алқабы

Жаттығу алқабы — әр түрлі қару-жарақты, әскери техника мен құралдарды сынауға, жауынгерлерді жаттықтыру жүмыстарын жүргізуге арналған құрлық немесе теңіз аймағы. Артиллериялык, ракеталық, танктік, авиациялык, зеңбіректік, инженерлік, торпедалық, сонымен бірге атып үйренуге, сынақ өткізуге арналған жаттығу алқабы болады. Әскери-оқу орындарында және бөлімдерде шағындау жаттығу алқабы (артиллериялық, инженерлік, атысқа арналған және т.б.) болады, онда атыс пен оның қорытындысы имитацияланып (шын ұрыстағыға ұқсатып) көрсетіледі.