Жағаларды жіктеу

Жағаларды жіктеу - жағаларды дамуы, құрылуы, пішіні және өзара байланысы бойынша әр түрге бөлу. Тік бағытта дамуы бойынша: ойпатты және таулы; сырт көрінісі жағынан тегіс және тілімденген; геологиялық құрылысы бойынша: көлденең және бойлық; бейтарапты, риастық, далматтық, фиордтық жағалар деп бөледі .

Жағаларды жіктеу -

• 1) морфологиялық тұрғыдан — қия, ойпат және т.б. жағалар;
• 2) құрылымдық тұрғыдан — бойлық, көлденең, диагональ жағалар;
• 3)динамикалық тұрғыдан — бастапқы бедерді, түптің еңістігін, толқындардың қарқындылығы мен бағытын, тасындылардың геологиялық құрылысы мен теңдесімін ескереді; 4)генетикалық жағалардың негізгі типтері — абразиялық және аккумуляциялық, олардың аралығында көптеген өтпелі топтық жағалар орналасады.