Жағыпар Мағауияұлы

Уикипедия — ашық энциклопедиясынан алынған мәлімет
Jump to navigation Jump to search

Жағыпар Мағауияұлы (1898-1934) - Абайдың немересі. Мағауияның Дәмегей деген бәйбішесінен туған. Ол Ғабитхан молданың ізбасары Махмет молдадан сауат ашып, білім алады. Ағасы Бабыр 11 жасында қайтыс болып, Ғабитхан молданың Бабырға айттырылған немересі Күлманар Ғабидоллақызына әмеңгерлік жолмен үйленген. Одан: Рәпила, Ишағы, Жошыхан, Ғазел, Нәркес, Ләйла, Серік туған. Ол Әйгерім мен Ділдәні ез қолымен Аралтөбеге жерлеген. Семейде мұғалімдер даярлайтын курста оқып, мектеп-интернат ашып, қазақ балаларын оқытты. Жағыпар 1930 ж. өз отбасын Шемонайхыға, Убо-форпостқа көшіріп әкеледі. Сонда жаңадан мектеп-интернат ашып, оның директоры болды. 1979 ж. Жағыпардың сүйегі Убо-форпосттан алынып, Дәмегей, Камалия үшеуінің сүйегі Ақшоқыға қайтадан жерленді.[1]

Дереккөздер[өңдеу]

  1. Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9