Жаңа шілік 1,2,3 тұрақтары
Жаңа шілік 1,2,3 тұрақтары - Түркістан облысындағы кейінгі неолит - ерте қола дуәірінің археологиялық ескерткіштер кешені, Қазақстандағы алғашқы адамдардың тұрақтары.
Географиясы
[өңдеу | қайнарын өңдеу]ОҚО Отырар ауданындағы Жаңа Шілік ауылының солтүстік-шығыс шетінде. 1974 ж. Оңтүстік-Қазақстан кешенді археологиялық экспедициясының тас ғасыры ескерткіштерін зерттеуші отряды (Х. А. Алпысбаев) зерттеген.
Жалпы сипаттама
[өңдеу | қайнарын өңдеу]Халцедоннан жасалған бұйымдар солтүстіктен оңтүстікке қарай 3 км созылып жатқан, бір-бірінен 600-800 м қашықтықта орналасқан үш жерден жиналды.
Тұрақтан жиналған коллекция 89 тас бұйымнан тұрады, олардың ішінде:
- қысқа отщептерден дайындалған, дөңгелек және тік ретуштелген екі қырғыш;
- 25 пышақ тектес пластина, олардың 12-сі ретушсіз, 5 -уінің шеті ретуштелген.
Барлық пышақ тектес пластиналар түрлі тас түрлерінен жасалған, атап айтқанда, кремний, кварцит, халцедон бұйымдары кездеседі. Сонымен қатар, тұрақта керамика сынықтары табылды.[1]
Дереккөздер
[өңдеу | қайнарын өңдеу]- ↑ Алпысбаев Х. А. Мезолитические и неолитические стоянки Южного Казахстана//Археологические исследования в Отраре. Алма-Ата, 1977. C. 93-96.