Жергілікті заттар

Жергілікті заттар — әскери істе жергілікті жерді зерттеуде, әскерлерді ұрыста басқару, бағдарлау, бағыттау үшін қолданылатын жер үстіндегі жасанды және табиғи объектілер. Координаттары белгілі жергілікті заттар, сондай-ақ ракеталарды жіберу мен артиллериядан атуда геодезиялық мәліметтерді анықтау үшін кемелерде қолданылады. Оларға төмендегідей объектілер жатады: *тұрғын жерлер және ондағы құрылыстар,

• жеке тұрған тұрғын және түрғын емес құрылыстар;
• өсімдікті және құнарлы жер кабаты, ормандар;
• бұталы жерлер, бақтар, бақшалар, құмдар, тұзды жерлер, тасты жерлер, батпақтар, сондай-ақ өндірісті,
• ауыл шаруашылықты, әнеркәсіпті кәсіпорындар, үлкен акваториялардың жағалык аймағы, өзендер, көлдер, арналар,
• олардағы құрылыстар — электр станциялары, порттар, көпірлер, кемежайлар, шлюздер, қатыпас жолдарындағы объектілер, темір жәл байланыстары, тас және топырақты жолдар, темір жол станциясы, электрхабарлар желісі, телефон және телеграф байланыстары, радиостанциялар, мемлекеттік және арнайы геодезиялық тораптардың геодезиялық белгілері жатады.

Топографиялық карталар мен ұрыстың графикалық құжаттарында жергілікті заттар кабылданған шартты белгілермен белгіленеді. Соңғылары қолданылуына қарай масштабтық (объектіні карта масштабында белгілейтін), жергілікті заттарды жіктейтін — түсіндірме (бағдар ретінде де қолдануға болады) болып бөлінеді де, топографикалық және теңіздік навигациялық картаға графикалық дәлдікпен салынады.