Жергілікті уақыт

Жергілікті уақыт^[1] , астрономияда — Жердің белгілі бір орны үшін анықталған уақыт. Жергілікті уақыт белгілі бір орынның географиялық бойлығына тәуелді бола отырып, бір меридианның бойына орналасқан барлық нүктелер үшін бірдей болады. Екі орынның жергілікті уақытының айырмасы сол орындардың бойлығының айырмасына тең. Жергілікті уақыт белгілі бір орында жүргізілген астрономиялық бақылаулар (мысалы, Күн сағатының көмегімен) арқылы анықталады. Тұрмыста жергілікті уақытты қолдану көптеген қолайсыздықтар жасағандықтан, 19 ғасырдың соңынан, оның орнына, көптеген елдерде белдеулік уақыт қолданыла бастады. Жергілікті уақыт, көбінесе, белдеулік уақыт деп қате айтылады.